Almatyda úsh adamnyń ómirin qiǵan rezonansty jol-kólik oqiǵasy boiynsha sot protsesi jalǵasýda. Memlekettik aiyptaýshy Zeekr kóliginiń júrgizýshisi Aleksandr Pakty 10 jylǵa bas bostandyǵynan aiyrýdy surady, dep habarlaidy ult.kz.
Is materialdaryna sáikes, aiyptalýshy kólikti alkogoldik masań kúide basqaryp, saldarynan birneshe adamnyń qaza bolýyna sebep bolǵan.
Prokýror sot otyrysynda usynylǵan jaza áleýmettik ádildikti qalpyna keltirýge, sottalýshyny túzeýge jáne osyndai quqyq buzýshylyqtardyń qaitalanýyna jol bermeýge baǵyttalǵanyn atap ótti.
Sonymen qatar sotta azamattyq talap-aryz da qaralyp jatyr. Qaza tapqan Tomiris Qydyrbektiń ákesi moraldyq shyǵyn retinde aiyptalýshydan 100 million teńge óndirip berýdi talap etti.
Jábirlenýshi taraptyń múddesin qorǵap júrgen advokat buǵan deiin keshirim suraýdy qabyldamaitynyn jáne ótemaqy alýdy josparlamaitynyn málimdegen bolatyn. Sot ony resmi túrde jábirlenýshi retinde tanyǵan.
Al marqumnyń anasy buǵan deiin aiyptalýshyny keshirgenin jáne oǵan qatysty jeke shaǵymy joq ekenin aitqan.
Eske salaiyq, Aleksandr Pak sot protsesi barysynda óz kinásin tolyq moiyndaǵan. Sottyń túpkilikti sheshimi áli jariialanǵan joq.
