Qarjy ministriniń birinshi orynbasary Berik Sholpanqulov 2020 jyly toilanatyn Ál-Farabidiń 1150 jyldyǵy men Abaidyń 175 jyldyq mereitoiy, Jeńistiń 75 jyldyǵy boiynsha biýdjet qarajaty ońtailandyrylmaitynyn málim etti, dep habarlaidy QazAqparat.
«Atalǵan ataýly sharalarǵa bailanysty qarjy bólindi. Úsh jyldyń biýdjetinde kózdeldi. 3 mlrd teńge. Iaǵni, bul qarajat 2020 jyly toilanatyn Ál-Farabidiń 1150 jyldyǵy men Abaidyń 175 jyldyq mereitoiy, Jeńistiń 75 jyldyǵyna orai sharalarǵa baǵyttalǵan», - dedi Berik Sholpanqulov
Vitse-ministrdiń aitýyna qaraǵanda, imidjdik sharalardyń birazy ótpeitin bolyp sheshilgen. Osydan únemdelgen qarajat ǵylymi zertteýlerdi arttyrýǵa jumsalyp otyr.
Eske sala ketsek, buǵan deiin Berik Sholpanqulov Qazaqstanda imidjdik maqsatqa jumsalmaq bolǵan 1 mlrd 400 mln teńge únemdelgenin málimdegen bolatyn.
