Uly Abaidyń 175 jyldyǵyna orai ál-Farabi atyndaǵy Qazaq ulttyq ýniversitetinde taqyryptyq zaldyń tusaýkeseri ótti, dep habarlaidy "Ult aqparat".
Qazaqstannyń Prezidenti Qasym-Jomart Toqaev óziniń «Abai – Rýhani reformator» atty maqalasynda: «Biz Abaidy HIH ǵasyrda ómir súrip, HHI ǵasyrdyń sózin sóilegen danyshpan retinde álemge tanytýymyz kerek. Sonymen qatar ony ulttyq sanany jańǵyrtýǵa zor yqpal etken rýhani reformator retinde dáripteýge mindettimiz. Túptep kelgende, árbir qazaq Abaimen maqtanýǵa tiis!» – dep atap ótti.
Uly aqynnyń mereitoiyn merekeleý aiasynda QazUÝ-dyń Ǵylymi kitaphanasynda jańa taqyryptyq zal ashyldy, onda Abai Qunanbaevqa arnalǵan arnaiy ekspozitsiialar, sondai-aq aqynnyń ómiri men shyǵarmashylyǵyn ashyp kórsetetin sýret galereiasy ornalasqan. Ortalyq sýrette aqyn dala men taýlar aiasynda aq kiimde beinelengen, bul onyń jany men oiynyń tazalyǵyn beinelep, Abaidyń ulylyǵyn jáne onyń týǵan jerimen ajyramas bailanysyn kórsetedi.
«Zal 80 orynǵa arnalǵan jáne zamanaýi aýdio-video jabdyqtarmen jabdyqtalǵan, munda stýdentter úshin dárister, kezdesýler, konferentsiialar jáne basqa da ǵylymi sharalar ótkizýge bolady. Sonymen qatar, bul jerde Abai shyǵarmalarynyń, onyń ishinde sirek kezdesetin basylymdardyń turaqty kórmesi bar. Sondai-aq, Abai jáne onyń shyǵarmalary týraly aýdio-video materialdardyń tolyq jinaǵy keltirilgen», - dep atap ótti tusaýkeser barysynda kitaphana direktory Kalima Tóleýbaeva.
Sondai-aq, sharada uly aqynnyń Halyqaralyq Abai klýby men QazUÝ birlesip basyp shyǵarǵan shyǵarmalarynyń tolyq jinaǵy usynyldy. Osy shyǵarylym týraly belgili qazaq jazýshysy, dramatýrg jáne baspager Rollan Seisenbaev áńgimeledi. Ol on tomdyq basylymǵa orys, aǵylshyn, frantsýz jáne nemis tilderine aýdarylǵan týyndylar kirgenin atap ótti. Jinaqtyń «Abai týraly sóz» atty jeke tomy tolyǵymen Abai týraly ádebiettanýshylar, aqyndar, jazýshylar jáne álemge áigili ǵalymdardyń tujyrymdaryna arnalǵan.
«Biyl álem eki aitýly kúndi – uly oishyl Ál-Farabidiń 1150 jyldyǵyn jáne maitalman aqyn Abaidyń 175 jyldyǵyn atap ótýde. Qazaqtyń darhan jeri adamzatqa ózinen tysqary jerlerde rýhani jáne shyǵarmashylyq murasymen tanymal bolǵan uly perzentterin syilady. Jaqynda ál-Farabi atyndaǵy QazUÝ-de Ál-Farabi ortalyǵy ashylǵan bolatyn, al búgin – Abai atyndaǵy zal ashylýda. Osynyń arqasynda olar bizge, jas urpaqqa jaqyndai tústi, bul bizdiń rýhani jańǵyrýymyzǵa degen senimimizdi kúsheite túspek», - dedi Rollan Seisenbaev.
Memleket basshysy atap ótkendei, bizdiń sanamyzdy, kókjiegimizdi keńeitip, rýhani damýymyz úshin Abaiǵa arnalǵan is-sharalardy ótkizý asa mańyzdy. Onyń murasy qazaq halqynyń bolmysy men ulttyq ereksheligin, salt-dástúri men rýhyn aiqyn kórsetedi. Onyń kemeldilikke, oi jáne adam janynyń tazalyǵyna umtylý týraly ideialary árbir qazaqstandyq úshin mańyzdy baǵdarǵa ainalýy kerek.
