Qazaqstan musylmandary dini basqarmasynyń tóraǵasy Naýryzbai qajy Taǵanuly Mysyr Arab Respýblikasyna jasaǵan resmi sapary kezinde Kairde áigili ál-Azhar ýniversitetiniń sheihy, Bas imam Ahmet Taiyppen kezdesti, dep habarlaidy "Ult aqparat".
QMDB baspasóz qyzmetiniń málimetinshe, Bas múfti ál-Azhar sheihyna Qazaqstanǵa bólinetin bilim granty sanyn eki esege kóbeitýdi usyndy. Sonymen qatar Qazaqstanda salynatyn Islam akademiiasyn, Islam jáne teologiia kitaphanasyn klassikalyq dini kitaptarmen qamtamasyz etýdiń mańyzdylyǵyn jetkizdi.
Ál-Azhar ýniversitetiniń sheihy bul usynysty qoldaitynyn, Qazaqstan úshin bólinetin bilim granty eki esege ulǵaiatynyn málimdedi. Sonymen qatar Islam akademiiasy men Islam jáne teologiia kitaphanasyna qajetti klassikalyq baǵyttaǵy kitaptardy jetkizip berýge ýáde etti.
Naýryzbai qajy Taǵanuly ál-Azhar ýniversitetiniń sheihy, Bas imam Ahmet Taiypqa airyqsha alǵys bildirip, igi nietin jetkizdi.
Aita ketsek, Qazaqstan musylmandary dini basqarmasy men ál-Azhar ýniversiteti arasynda jasalǵan kelisim boiynsha jyl saiyn qazaqstandyq imamdar úshin 25 bilim granty bólinetin. Endi jyl saiyn 50 imam ál-Azhar ýniversitetinde bilimin jetildirmek.
