قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى مىسىر اراب رەسپۋبليكاسىنا جاساعان رەسمي ساپارى كەزٸندە كايردە ەيگٸلٸ ەل-ازھار ۋنيۆەرسيتەتٸنٸڭ شەيحى, باس يمام احمەت تايىپپەن كەزدەستٸ, دەپ حابارلايدى "ۇلت اقپارات".
قمدب باسپاسٶز قىزمەتٸنٸڭ مەلٸمەتٸنشە, باس مٷفتي ەل-ازھار شەيحىنا قازاقستانعا بٶلٸنەتٸن بٸلٸم گرانتى سانىن ەكٸ ەسەگە كٶبەيتۋدٸ ۇسىندى. سونىمەن قاتار قازاقستاندا سالىناتىن يسلام اكادەميياسىن, يسلام جەنە تەولوگييا كٸتاپحاناسىن كلاسسيكالىق دٸني كٸتاپتارمەن قامتاماسىز ەتۋدٸڭ ماڭىزدىلىعىن جەتكٸزدٸ.
ەل-ازھار ۋنيۆەرسيتەتٸنٸڭ شەيحى بۇل ۇسىنىستى قولدايتىنىن, قازاقستان ٷشٸن بٶلٸنەتٸن بٸلٸم گرانتى ەكٸ ەسەگە ۇلعاياتىنىن مەلٸمدەدٸ. سونىمەن قاتار يسلام اكادەميياسى مەن يسلام جەنە تەولوگييا كٸتاپحاناسىنا قاجەتتٸ كلاسسيكالىق باعىتتاعى كٸتاپتاردى جەتكٸزٸپ بەرۋگە ۋەدە ەتتٸ.
ناۋرىزباي قاجى تاعانۇلى ەل-ازھار ۋنيۆەرسيتەتٸنٸڭ شەيحى, باس يمام احمەت تايىپقا ايرىقشا العىس بٸلدٸرٸپ, يگٸ نيەتٸن جەتكٸزدٸ.
ايتا كەتسەك, قازاقستان مۇسىلماندارى دٸني باسقارماسى مەن ەل-ازھار ۋنيۆەرسيتەتٸ اراسىندا جاسالعان كەلٸسٸم بويىنشا جىل سايىن قازاقستاندىق يمامدار ٷشٸن 25 بٸلٸم گرانتى بٶلٸنەتٸن. ەندٸ جىل سايىن 50 يمام ەل-ازھار ۋنيۆەرسيتەتٸندە بٸلٸمٸن جەتٸلدٸرمەك.
