Biznestiń múddelerin qorǵaý – bizdiń negizgi mindetimiz. Bul týraly «Aq jol» partiiasynyń úgit-nasihat tobynyń músheleri Kókshetaý qalasyndaǵy sailaýshylarmen kezdesý barysynda málimdedi, dep habarlaidy partiianyń baspasóz qyzmeti.
Májilis pen máslihat depýtattyǵyna kandidat partiia ókilderi, oblystyq filialdyń aktivi qaladaǵy avtokólik satatyn jáne qyzmet kórsetetin jetekshi kásiporyndardyń birinde bolyp qaitty.
Partiialyqtar kompaniianyń jumys barysymen tanysty. «Favorit motors» JShS janynan avtosalon men kólik jýý ortalyǵy ashylǵan. Munda servistik qyzmetter kórsetiledi, akkýmýliator ortalyǵy jumys isteidi. Sórelerden negizinen, otandyq taýarlardy kóre alasyz. Jalpy seriktestik 60-qa jýyq adamdy jumyspen qamtyp otyr.
«Aqjoldyqtar» sailaýaldy tuǵyrnama jáne partiia qyzmeti týraly aityp, máseleler men tilekterdi tyńdady.
Kásiporyn qyzmetkerleri belgili bir qiyndyqtarǵa shaǵymdandy. Olardyń aitýynsha, pandemiiaǵa qaramastan, olar bul jerde shtattyq rejimdi saqtai aldy. Alaida, koronakrizis usynylatyn qyzmet kólemine áser etti – olardyń deńgeii tómendedi. Partiia músheleriniń aitýynsha, ShOB máseleleri olarǵa jaqsy tanys. Sebebi biznes múddelerin qorǵaý – partiianyń negizgi mindeti.
«Qazaqstandyq qoǵamnyń turaqtylyǵy ekonomikanyń osy sektorynyń damýyna bailanysty. Biz óz baǵdarlamamyzda otandyq biznesti qoldaý úshin naqty usynystardy atap kórsettik», – dep málimdedi Merýert Qazbekova. «Aq jol» partiiasynyń bastamalarynyń ishinde: salyqtyq raqymshylyq, ShOB-ty QQS, KTS tóleýden jáne tólem qabilettiligi tolyq qalpyna kelgenshe múlik salyǵynan bosatý, mikrobiznes pen «ózin-ózi jumyspen qamtyǵan» halyqty salyqtan tolyq bosatý bar.
Osy kúni-aq partiia músheleri «Alýa-Stroi» kásipornynyń jumysshylarymen kezdesti. Kezdesý 9 qabatty úidiń qurylys alańynda ótti. Nysandy 2021 jyldyń kókteminde paidalanýǵa berý josparlanýda – júzden astam otbasy óz úilerine kiretin
«Aqjoldyqtar» qalaǵa kóshetin aýyl jastaryn qoldaý boiynsha partiianyń usynystary týraly aitty. Ol úshin ákimdikter shaǵyn óndiristerge, bilim berý mekemelerine jáne áleýmettik infraqurylymǵa arnalǵan úi-jailary bar yqsham áleýmettik turǵyn úilerdi jappai salýǵa tiis.
«Mundai turǵyn úi qarapaiym jáne arzan bolýy kerek, sondyqtan jastardyń qalada beiimdelýine, bilim alýyna jáne jumys isteýine – aiaǵyna turyp, ózderin yńǵaily jaǵdailarmen qamtamasyz etýge degen yntasy bolýy kerek», – delingen «Aq jol» baǵdarlamasynda.
Sonymen qatar, jas otbasylardy yntalandyrý jáne bala týýdy arttyrý úshin «Aq jol» demokratiialyq partiiasy 2013 jyldan bastap jas otbasylar úshin ár bala týǵan kezde 25% mólsherinde ipotekalyq kreditter boiynsha paiyzdyq mólsherlemelerdi sýbsidiialaýdy engizýdi tabandy túrde usynady. Sodan keiin ekinshi bala týǵan kezde memleket ipotekanyń 50%-yn sýbsidiialaýy, al tórtinshi bala týǵan kezde mundai otbasy ipotekany 0%-ǵa deiin tómendete otyryp, kóp balaly sanatqa aýystyrylýy tiis dep usynylady.
«Búginde úkimettik baǵdarlamalar kópbalaly otbasylarǵa baǵyttalǵan. Biraq eshqandai otbasy birden úlken bolyp ketpeidi. Árbir balanyń dúniege kelýine jastardy kezeń-kezeńimen yntalandyrý kerek», – dep filial basshysy Boris Melnikov Baǵdarlamanyń erejelerin keltirip, bolǵaly jatqan sailaýda jerlesterin «Aq jol» partiiasyna óz daýys berýge shaqyrdy.
Kókshetaý kásiporyndarynyń qyzmetkerleri «Aq jol» partiiasynyń sailaýaldy bastamalaryna qoldaý bildirip, óz shaǵymdaryn aitty.
«Aq jol» demokratiialyq partiiasygyń úgit-nasihat sharalary jalǵasýda.
