Fýtboldan Qazaqstan chempionatynyń 18-týrynda Oraldyń «Aqjaiyǵy» óz alańynda «Taraz» komandasyn qabyldap, qarsylasyn iri eseppen utty, dep habarlaidy "Ult aqparat".
Teń nátijemen aiaqtalǵan «Shahtermen» ótken oiynǵa qaraǵanda, ýkrainalyq maman Vladimir Maziar baptaityn alań ieleriniń quramynda birqatar ózgeris boldy.
Atap aitqanda, salqyn tiip qalǵandyqtan, reseilik jartylai qorǵaýshy Soslan Takýlov pen ýkrainalyq shabýylshy Nikolai Kovtaliýk bul joly matchqa qatysa alǵan joq. Esesine Oral fýtbolynyń alty birdei túlegi alańǵa shyqty.
Birinshi taimda 30 minýtta reseilik shabýylshy Dmitrii Michýrenkov 11 metrlik aiyp dobyn dál oryndap, esep ashty.
Ekinshi kezeńde 69-minýtta reseilik Evgenii Kozlov oryndaǵan aiyp dobynan keiin oraldyq qorǵaýshy Meiram Sapanov baspen dál soqqy jasai bildi – 2:0. Eki minýttan keiin sol qaptaldan Kozlovtan pas alǵan Qazaqstan jastar quramasynyń shabýylshysy Viacheslav Shvyrev esepti 3:0-ge jetkizdi. Bul ekinshi taimda Michýrenkovtyń ornyna shyqqan Shvyrevtiń biylǵy maýsymdaǵy birinshi goly edi.
Birinshi ainalymda tarazdyqtar óz alańynda 1:0 esebimen utqan edi. Oraldyqtar biylǵy maýsymda alǵash ret iri eseppen jeńiske jetip, artyǵymen qarymta qaiyrdy.
Bul týrdan keiin 28 upai jinaǵan «Aqjaiyq» týrnir kestesinde qaitadan tórtinshi orynǵa kóterildi. «Taraz» 20 upaimen toǵyzynshy satyda qaldy.
Oraldyqtar kelesi kezdesýin 2 shilde kúni Aqtóbede jergilikti klýbpen ótkizedi.
Eske sala keteiik, budan buryn «Aqjaiyqtyń» biylǵy maýsymda alǵash ret teń oinaǵanyn jazǵan bolatynbyz.
