فۋتبولدان قازاقستان چەمپيوناتىنىڭ 18-تۋرىندا ورالدىڭ «اقجايىعى» ٶز الاڭىندا «تاراز» كومانداسىن قابىلداپ, قارسىلاسىن ٸرٸ ەسەپپەن ۇتتى, دەپ حابارلايدى "ۇلت اقپارات".
تەڭ نەتيجەمەن اياقتالعان «شاحتەرمەن» ٶتكەن ويىنعا قاراعاندا, ۋكراينالىق مامان ۆلاديمير مازيار باپتايتىن الاڭ يەلەرٸنٸڭ قۇرامىندا بٸرقاتار ٶزگەرٸس بولدى.
اتاپ ايتقاندا, سالقىن تيٸپ قالعاندىقتان, رەسەيلٸك جارتىلاي قورعاۋشى سوسلان تاكۋلوۆ پەن ۋكراينالىق شابۋىلشى نيكولاي كوۆتاليۋك بۇل جولى ماتچقا قاتىسا العان جوق. ەسەسٸنە ورال فۋتبولىنىڭ التى بٸردەي تٷلەگٸ الاڭعا شىقتى.
بٸرٸنشٸ تايمدا 30 مينۋتتا رەسەيلٸك شابۋىلشى دميتريي ميچۋرەنكوۆ 11 مەترلٸك ايىپ دوبىن دەل ورىنداپ, ەسەپ اشتى.
ەكٸنشٸ كەزەڭدە 69-مينۋتتا رەسەيلٸك ەۆگەنيي كوزلوۆ ورىنداعان ايىپ دوبىنان كەيٸن ورالدىق قورعاۋشى مەيرام ساپانوۆ باسپەن دەل سوققى جاساي بٸلدٸ – 2:0. ەكٸ مينۋتتان كەيٸن سول قاپتالدان كوزلوۆتان پاس العان قازاقستان جاستار قۇراماسىنىڭ شابۋىلشىسى ۆياچەسلاۆ شۆىرەۆ ەسەپتٸ 3:0-گە جەتكٸزدٸ. بۇل ەكٸنشٸ تايمدا ميچۋرەنكوۆتىڭ ورنىنا شىققان شۆىرەۆتٸڭ بيىلعى ماۋسىمداعى بٸرٸنشٸ گولى ەدٸ.
بٸرٸنشٸ اينالىمدا تارازدىقتار ٶز الاڭىندا 1:0 ەسەبٸمەن ۇتقان ەدٸ. ورالدىقتار بيىلعى ماۋسىمدا العاش رەت ٸرٸ ەسەپپەن جەڭٸسكە جەتٸپ, ارتىعىمەن قارىمتا قايىردى.
بۇل تۋردان كەيٸن 28 ۇپاي جيناعان «اقجايىق» تۋرنير كەستەسٸندە قايتادان تٶرتٸنشٸ ورىنعا كٶتەرٸلدٸ. «تاراز» 20 ۇپايمەن توعىزىنشى ساتىدا قالدى.
ورالدىقتار كەلەسٸ كەزدەسۋٸن 2 شٸلدە كٷنٸ اقتٶبەدە جەرگٸلٸكتٸ كلۋبپەن ٶتكٸزەدٸ.
ەسكە سالا كەتەيٸك, بۇدان بۇرىن «اقجايىقتىڭ» بيىلعى ماۋسىمدا العاش رەت تەڭ ويناعانىن جازعان بولاتىنبىز.
