Fýtboldan Qazaqstan chempionatynyń 12-týrynda Túrkistannyń «Turany» óz alańynda Oraldyń «Aqjaiyǵyn» qabyldady, dep habarlaidy "Ult aqparat".
Premer-ligaǵa biyl qosylǵan qos komanda osynyń aldynda qatarynan úsh jeńiske qol jetkizdi.
Bul joly oiyn taǵdyry ekinshi taimda sheshildi. 71-minýtta Erkin Tapalovtan pas alǵan ýkrainalyq shabýylshy Nikolai Kovtaliýk baspen soqqan dop torda týlady. Arada tórt minýt ótkende N.Kovtaliýk penaltiden esepti 2:0-ge jetkizdi. Bul onyń osy birinshiliktegi besinshi goly edi.
Osylaisha qatarynan tórt matchta qarsylastaryn utqan «Aqjaiyq» 21 upaimen týrnir kestesinde úshinshi ornyn saqtap qaldy.
Ýkrainalyq maman Vladimir Maziardyń shákirtteri kelesi kezdesýin 23 mamyr kúni Oralda Aqtaýdyń «Kaspiiimen» ótkizedi.
Eske sala keteiik, budan buryn «Aqjaiyqtyń» el chempiony «Qairatty» utqanyn jazǵan bolatynbyz.
