فۋتبولدان قازاقستان چەمپيوناتىنىڭ 12-تۋرىندا تٷركٸستاننىڭ «تۇرانى» ٶز الاڭىندا ورالدىڭ «اقجايىعىن» قابىلدادى, دەپ حابارلايدى "ۇلت اقپارات".
پرەمەر-ليگاعا بيىل قوسىلعان قوس كوماندا وسىنىڭ الدىندا قاتارىنان ٷش جەڭٸسكە قول جەتكٸزدٸ.
بۇل جولى ويىن تاعدىرى ەكٸنشٸ تايمدا شەشٸلدٸ. 71-مينۋتتا ەركٸن تاپالوۆتان پاس العان ۋكراينالىق شابۋىلشى نيكولاي كوۆتاليۋك باسپەن سوققان دوپ توردا تۋلادى. ارادا تٶرت مينۋت ٶتكەندە ن.كوۆتاليۋك پەنالتيدەن ەسەپتٸ 2:0-گە جەتكٸزدٸ. بۇل ونىڭ وسى بٸرٸنشٸلٸكتەگٸ بەسٸنشٸ گولى ەدٸ.
وسىلايشا قاتارىنان تٶرت ماتچتا قارسىلاستارىن ۇتقان «اقجايىق» 21 ۇپايمەن تۋرنير كەستەسٸندە ٷشٸنشٸ ورنىن ساقتاپ قالدى.
ۋكراينالىق مامان ۆلاديمير مازياردىڭ شەكٸرتتەرٸ كەلەسٸ كەزدەسۋٸن 23 مامىر كٷنٸ ورالدا اقتاۋدىڭ «كاسپييٸمەن» ٶتكٸزەدٸ.
ەسكە سالا كەتەيٸك, بۇدان بۇرىن «اقجايىقتىڭ» ەل چەمپيونى «قايراتتى» ۇتقانىن جازعان بولاتىنبىز.
