Premer-ligada óner kórsetetin «Aqjaiyq» fýtbol klýbynyń bas bapkeri, ýkrainalyq maman Vladimir Maziar ornynda qalatyn boldy, dep habarlaidy QazAqparat.
Maziar el chempionatynyń 16-týrynda Almatyda «Qairatpen» ótken matchtan keiin óz ornynan ketetini jóninde málimdegen bolatyn.
«Aqjaiyq» fýtbol klýbynyń basshylyǵy osydan soń oiynshylar men bas bapkerdiń arasynda kezdesý ótkizgen.
«Klýb oiynshylary bapkerdi tolyqtai qoldady – bul basshylyqqa onyń ornynan ketýi jónindegi ótinishin qabyldamaýǵa negiz boldy. Jazǵy transferlik kezeńde komanda jańa oiynshylarmen kúsheitiledi. Bul komandanyń ishindegi básekelestikti arttyryp, jaǵdaidy túzeýge septesedi», - dep habarlady «Aqjaiyq» fýtbol klýbynan.
Qazirgi kezde oraldyqtar týrnir kestesinde 12 upaimen 13-orynda, iaǵni birinshi ligaǵa túsip qalý qaýpi tónip tur.
«Aqjaiyq» 8 shilde kúni Qazaqstan kýbogy úshin Qyzylordada jergilikti «Qaisarmen» kezdesedi.
