Fýtboldan Qazaqstan chempionatynyń ekinshi týrynda Oraldyń «Aqjaiyǵy» óz alańynda «Atyraý» komandasyn qabyldady, dep habarlaidy "Ult aqparat".
Qos klýb ta ótken jylǵy maýsymda birinshi topta óner kórsetip, premer-ligaǵa joldama alǵan edi.
Birinshi týrda atyraýlyqtar Atyraýda qaraǵandylyq «Shahterden» utylyp qalsa, oraldyqtar syrt alańda «Tobylǵa» 0:2 esebimen ese jibergen bolatyn. Sondyqtan eki komandaǵa da upai aýadai qajet edi.
Birinshi taimda fýtbolshylar alma-kezek shabýyldaǵanymen, esep ashylǵan joq.
Matchtyń ekinshi kezeńinde 73-minýtta buryshtamadan berilgen doptan keiin biyl «Aqjaiyqqa» qaita oralǵan Oral fýtbolynyń túlegi Erkin Tapalov baspen qaqpany dál kózdedi – 1:0. Match sońyna taman dóreki oinap, eki eskertý qaǵazy kórsetilgen «Atyraý» sapyndaǵy polshalyq shabýylshy Petr Gjelchak alańnan qýyldy.
Osylaisha «Aqjaiyq» biylǵy maýsymdaǵy alǵashqy jeńisine qol jetkizdi. Ýkrainalyq maman Vladimir Maziardyń shákirtteri kelesi oiynyn 4 sáýir kúni syrt alańda shymkenttik «Ordabasymen» ótkizedi.
Taǵy bir kezdesý elordadaǵy «Astana Arena» stadionynda ótti. Munda «Shahter» «Ordabasy» komandasyn qabyldady. 50-minýtta «Ordabasy» sapyndaǵy serbiialyq qorǵaýshy Aleksandr Simchevich mergendik tanytty. 87-minýtta Sergei Hijnichenko esepti 2:0-ge jetkizdi.
