فۋتبولدان قازاقستان چەمپيوناتىنىڭ ەكٸنشٸ تۋرىندا ورالدىڭ «اقجايىعى» ٶز الاڭىندا «اتىراۋ» كومانداسىن قابىلدادى, دەپ حابارلايدى "ۇلت اقپارات".
قوس كلۋب تا ٶتكەن جىلعى ماۋسىمدا بٸرٸنشٸ توپتا ٶنەر كٶرسەتٸپ, پرەمەر-ليگاعا جولداما العان ەدٸ.
بٸرٸنشٸ تۋردا اتىراۋلىقتار اتىراۋدا قاراعاندىلىق «شاحتەردەن» ۇتىلىپ قالسا, ورالدىقتار سىرت الاڭدا «توبىلعا» 0:2 ەسەبٸمەن ەسە جٸبەرگەن بولاتىن. سوندىقتان ەكٸ كومانداعا دا ۇپاي اۋاداي قاجەت ەدٸ.
بٸرٸنشٸ تايمدا فۋتبولشىلار الما-كەزەك شابۋىلداعانىمەن, ەسەپ اشىلعان جوق.
ماتچتىڭ ەكٸنشٸ كەزەڭٸندە 73-مينۋتتا بۇرىشتامادان بەرٸلگەن دوپتان كەيٸن بيىل «اقجايىققا» قايتا ورالعان ورال فۋتبولىنىڭ تٷلەگٸ ەركٸن تاپالوۆ باسپەن قاقپانى دەل كٶزدەدٸ – 1:0. ماتچ سوڭىنا تامان دٶرەكٸ ويناپ, ەكٸ ەسكەرتۋ قاعازى كٶرسەتٸلگەن «اتىراۋ» ساپىنداعى پولشالىق شابۋىلشى پەتر گجەلچاك الاڭنان قۋىلدى.
وسىلايشا «اقجايىق» بيىلعى ماۋسىمداعى العاشقى جەڭٸسٸنە قول جەتكٸزدٸ. ۋكراينالىق مامان ۆلاديمير مازياردىڭ شەكٸرتتەرٸ كەلەسٸ ويىنىن 4 سەۋٸر كٷنٸ سىرت الاڭدا شىمكەنتتٸك «ورداباسىمەن» ٶتكٸزەدٸ.
تاعى بٸر كەزدەسۋ ەلورداداعى «استانا ارەنا» ستاديونىندا ٶتتٸ. مۇندا «شاحتەر» «ورداباسى» كومانداسىن قابىلدادى. 50-مينۋتتا «ورداباسى» ساپىنداعى سەربييالىق قورعاۋشى الەكساندر سيمچەۆيچ مەرگەندٸك تانىتتى. 87-مينۋتتا سەرگەي حيجنيچەنكو ەسەپتٸ 2:0-گە جەتكٸزدٸ.
