BQO, Aqjaiyq aýdanynda 34 otbasy dástúrli emes dindi ustanady. Bul týraly zhaikpress.kz saity jazdy.
Aqjaiyq aýdanynyń ortalyǵy – Chapaevta aýdan ákiminiń orynbasary Tilek Ǵabdýshevtiń tóraǵalyǵymen dini ekstremizm men terrorizmniń aldyn alý máseleleri boiynsha júzdesý ótti.
Jiynǵa qatysqan oblystyq Din basqarmasy din máselelerin zertteý ortalyǵynyń teologi Muratbek Qystaýbaev, aýdandaǵy «Tanym» destrýktivti dini aǵymdardan qorǵaý ortalyǵynyń teologi Jalǵas Maratov dini turaqtylyqty saqtaý, keibir otbasylardyń mektepterde oqityn ul-qyzdarynyń kiim kiisine qatysty pikirlerin bildirdi.
Aýdan boiynsha 34 otbasy dástúrli emes dindi ustanady. Iaǵni, sol otbasylardyń ul-qyzdary da ata-anasyna qulaq asatyny sózsiz. Mysaly, osy ýaqytqa dini atribýtty kiim kiip, másele týǵyzǵan 20 qyz bala bolsa, olardyń 10-y quzyretti organdardyń, jaýapty mekemelerdiń ata-analarmen jumystanýy arqasynda mektep formasyn kiiýge kelisken. Osyndai oń ózgeristerdiń órisi keńeise, quba-qup.
