Syrtqy ister ministrligi 2015 jyly Qytaida sottalǵan qazaq qyzy Aqjarqyn Turlybaidyń isine qatysty málimet berdi, dep habarlaidy Sputnik Qazaqstan.
2016 jyly sot sheshimi joiylyp, is qaita qaraýǵa jiberilgen edi. Ministrliktiń resmi ókili Aibek Smadiiarovtyń aitýynsha, qazirgi kezde Aqjarqyn Turlybaidyń advokaty barlyq materialdy zerdelep jatyr. Atalǵan is ekinshi instantsiiaǵa joldandy.
"Biz appeliatsiialyq shaǵym boiynsha ekinshi otyrystyń ótetin ýaqyty týraly Qytaidan habar kútip otyrmyz. Ázirshe ol otyrystyń datasy belgisiz. Ministrlik jáne elshilik atalǵan isti jiti baqylaýda ustap otyr", - deidi Smadiiarov.
Onyń sózine qaraǵanda, qazaqstandyq diplomattar Aqjarqynǵa jii baryp turady.
"Olar ata-anasynyń hattaryn aparyp otyrady. Oǵan kitap satyp alyp beredi. Aqjarqynnyń jaǵdaiy jaqsy. Eshqandai shaǵym túsirgen joq", - dep atap kórsetti Smadiiarov.
Aita keteiik, Qazaqstan azamaty Aqjarqyn Turlybai 2014 jyly naýryzda Gýanchjoý áýejaiynda ustalǵan bolatyn. Oǵan shekaradan 4,5 keli esirtki alyp ótpek boldy degen aiyp taǵyldy. Ol kezde otandasymyz 20 jasta edi. 2015 jyldyń maýsymynda Qytai soty ony ómir boiyna bas bostandyǵynan aiyrdy. Sotta Aqjarqyn sheteldik dosy aldap ketkenin aityp, kinásin moiyndaǵan joq.
Aqjarqyn Turlybai 1994 jyly 21 aqpanda týǵan. Qyzdyń otbasy Túrkistan oblysynda turady. Almatydaǵy Qazaq memlekettik qyzdar pedagogika ýniversitetine oqýǵa túsken. Úshinshi kýrstan bastap túngi klýbta daiashy bolyp jumys istep, tabys taba bastaǵan. Qytaiǵa qurbysyna taýar ákelýge kómektesý úshin barypty.
