سىرتقى ٸستەر مينيسترلٸگٸ 2015 جىلى قىتايدا سوتتالعان قازاق قىزى اقجارقىن تۇرلىبايدىڭ ٸسٸنە قاتىستى مەلٸمەت بەردٸ, دەپ حابارلايدى Sputnik قازاقستان.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلگەن ەدٸ. مينيسترلٸكتٸڭ رەسمي ٶكٸلٸ ايبەك سماديياروۆتىڭ ايتۋىنشا, قازٸرگٸ كەزدە اقجارقىن تۇرلىبايدىڭ ادۆوكاتى بارلىق ماتەريالدى زەردەلەپ جاتىر. اتالعان ٸس ەكٸنشٸ ينستانتسيياعا جولداندى.
"بٸز اپپەلياتسييالىق شاعىم بويىنشا ەكٸنشٸ وتىرىستىڭ ٶتەتٸن ۋاقىتى تۋرالى قىتايدان حابار كٷتٸپ وتىرمىز. ەزٸرشە ول وتىرىستىڭ داتاسى بەلگٸسٸز. مينيسترلٸك جەنە ەلشٸلٸك اتالعان ٸستٸ جٸتٸ باقىلاۋدا ۇستاپ وتىر", - دەيدٸ سماديياروۆ.
ونىڭ سٶزٸنە قاراعاندا, قازاقستاندىق ديپلوماتتار اقجارقىنعا جيٸ بارىپ تۇرادى.
"ولار اتا-اناسىنىڭ حاتتارىن اپارىپ وتىرادى. وعان كٸتاپ ساتىپ الىپ بەرەدٸ. اقجارقىننىڭ جاعدايى جاقسى. ەشقانداي شاعىم تٷسٸرگەن جوق", - دەپ اتاپ كٶرسەتتٸ سماديياروۆ.
ايتا كەتەيٸك, قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
اقجارقىن تۇرلىباي 1994 جىلى 21 اقپاندا تۋعان. قىزدىڭ وتباسى تٷركٸستان وبلىسىندا تۇرادى. الماتىداعى قازاق مەملەكەتتٸك قىزدار پەداگوگيكا ۋنيۆەرسيتەتٸنە وقۋعا تٷسكەن. ٷشٸنشٸ كۋرستان باستاپ تٷنگٸ كلۋبتا داياشى بولىپ جۇمىس ٸستەپ, تابىس تابا باستاعان. قىتايعا قۇربىسىنا تاۋار ەكەلۋگە كٶمەكتەسۋ ٷشٸن بارىپتى.
