Illiýstrattsiialyq foto: Tengrinews.kz
Qaraǵandy oblysy, Shahtinsk qalasy, №6 mektep direktorynyń orynbasaryna qatań sógis jariialandy. Ol mundai jazany oqýshylardy «aqymaq maimyldar» dep tildegeni úshin alyp otyr, dep habarlaidy QazAqparat.
Shahtinsk qalasynyń bilim berý bóliminde habarlaǵandai, ádepsiz sózder aitqan pedagog bilim berý júiesinde 21 jyl ótili bar, sońǵy úsh jyl № 6 mektepte isteidi. Ol 8V synyp oqýshylaryna til tigizgen. Oqiǵa biologiia sabaǵynda tańǵy sabaq kezinde bolǵan. Dóreki sózderi bar aýdiojazba Shahtinsk qalasy ákimdiginiń Telegram arnasyna jariialandy, Shahtinsk qalasynyń bilim bóliminiń Call-ortalyǵyna berildi jáne áleýmettik jelide tarady.
«Atalǵan fakti boiynsha «Shahtinsk qalasynyń bilim bólimi» MM qyzmettik tergeý júrgizildi, №6 jalpy bilim beretin mekteptiń basshysy N.Onsovich, qala pedagogteriniń kásipodaq tóraǵasy, qalanyń qurmetti turǵyny, táýelsiz sarapshy, mektep direktory, synyp jetekshisi, mekteptiń pedagogikalyq keńesi músheleriniń qatysýymen Pedagogikalyq ádep jónindegi keńestiń shuǵyl otyrysy ótkizildi. Keńes otyrysynda muǵalim etikalyq minez-qulyq jáne «Pedagog mártebesi týraly» zańdy buzǵanyn aityp, kinásin moiyndady. Otyrys barysynda osy jaǵdaidyń barlyq mán-jailary qaraldy, onyń qorytyndysy boiynsha qyzmetkerdiń tártiptik teris qylyq jasaǵany úshin QR Eńbek kodeksiniń 64-baby 1-tarmaǵy, 3-tarmaǵy boiynsha qatań sógis túrinde osy pedagogke tártiptik jaza qoldaný týraly sheshim qabyldandy», - dep habarlady Shahtinsk qalasynyń bilim berý bóliminen.
Sondai-aq, vedomstvonyń málimdeýinshe, jaǵdaidy retteý maqsatynda mektep ákimshiligi 2021 jylǵy 10 qyrkúiekte pedagogika jáne ata-analar qoǵamdastyǵy, pedagogika etikasy jónindegi keńes músheleriniń qatysýymen keńeitilgen ata-analar jinalysyn ótkizedi, onda muǵalim osy oqiǵanyń sebepterin baiandaidy jáne ádepsiz minez-qulqy úshin keshirim suraidy.
Pedagogika ádep normalaryn saqtaý jáne osyndai jaǵdailardyń aldyn alý maqsatynda Shahtinsk qalasynyń barlyq jalpy bilim beretin mektepterinde pedagogika ádebi qaǵidalaryn saqtaý týraly máseleni qarastyratyn pedagogika keńesteriniń kezekti otyrysy ótkiziledi.
