Aqyly joldardyń apatty ýchaskelerinde tólem alynbaidy. Bul týraly «QazAvtoJol» UK» AQ basqarmasynyń tóraǵasy Asqar Muratuly aitty, dep habarlaidy QazAqparat.
«II jáne III sanattaǵy tarifti anyqtaý úshin «QazjolǴZI» AQ salalyq qoǵamdyq uiymdarmen,«Atameken» UKP-men kelisilgen jáne Qazaqstan Respýblikasy Indýstriia jáne infraqurylymdyq damý ministrliginiń Avtomobil joldary Komitetimen bekitilgen ádisteme ázirledi», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, qazirgi ýaqytta jalpy uzyndyǵy 1479 shaqyrym bolatyn 1 tehnikalyq sanattaǵy ýchaskelerde aqy alý júiesin engizý boiynsha jumystar júrgizildi. Atap aitqanda, 2021 jylǵy 23 qarashadan bastap respýblikalyq mańyzy bar birinshi sanatty avtojoldardyń 7 ýchaskesinde («Nur–Sultan – Pavlodar», «Qapshaǵai – Taldyqorǵan», «Taraz – Qainar», «Shymkent – Taraz», «Shymkent – Qyzylorda», «Shymkent – Tashkent», «Shýchinsk-Kókshetaý») júrý úshin aqy alýdyń ashyq júiesi jumys istep tur.
«Sonymen qatar, qazirgi ýaqytta aqyly júieni engizý máseleleri talqylanýda. Joǵaryda aitylǵandai, apattyq ýchaskelerdi kesip ótý jáne paidalaný úshin aqy alynbaidy. Atap aitqanda, tonnel qurylysy júrgizilip jatqan Taraz-Shymkent ýchaskelerinde (uzyndyǵy 39 shaqyrym, 593-532) jáne Nur-Sultan-Pavlodar ýchaskesinde (uzyndyǵy 24 shaqyrym, 235-259) aqy alý kózdelmegen», - dedi Asqar Muratuly.
