Respýblikalyq mańyzy bar joldarda jáne qalalarda aqyly joldar boiynsha 7 qyzmet kórsetý ortalyǵy jumys isteidi. Bul týraly QR Indýstriia jáne infraqurylymdyq damý ministrliginen málim etti, dep habarlaidy QazAqparat.
Ortalyqtarǵa aqyly ýchaskeler boiynsha qandaida bir saýaldar týyndaǵan jaǵdaida nemese abonementterdi resimdeý úshin júginýge bolady. Budan bólek, júk tasymalyna qatysty qyzmet kórsetetin uiymdardyń kelisimshart jasasý jáne aldyn ala tólem jasaý týraly tolyq málimet alý múmkindigi bar.
Aqyly joldar boiynsha qyzmet kórsetý ortalyqtarynyń ornalasqan jeri:
1. «Qapshaǵai – Taldyqorǵan», 252+150 shaqyrymda sol jaǵynan (Taldyqorǵan qalasynan shyǵa beriste), Taldyqorǵan qalasy aýmaǵynda Qapshaǵai baǵytynda ornalasqan.
2. «Taraz – Qainar», 453+300 shaqyrymda oń jaǵynan (Aqsholaq a.), Taraz qalasynan shyǵa beriste Qainar aýylyna baratyn baǵytta, Taraz qalasynan 37 shaqyrym jerde ornalasqan.
3. «Shymkent – Qyzylorda», 2127+000 shaqyrymda oń jaǵynan (Iqan a.); Túrkistan qalasynan Shymkent shaharyna shyǵa beriste, Túrkistan qalasynan 15 shaqyrym jerde ornalasqan.
4. «Shymkent – Taraz», 648+500 shaqyrymda oń jaǵynan (Mashat a.), Shymkent qalasynan Taraz shaharyna baratyn baǵytta, Shymkent qalasynan 28 shaqyrym jerde ornalasqan.
5. «Shymkent – Ózbekstan shekarasy, 792+000 shaqyrymda oń jaǵynan, Atameken aýylynan Shymkent qalasyna baratyn baǵytta, Shymkent qalasynan 86 shaqyrym jerde ornalasqan.
6. «Nur-Sultan – Pavlodar», 20+400 shaqyrymda sol jaǵynan (Qoiandy a.), Nur-Sultan qalasynan Pavlodar shaharyna baratyn baǵytta, Nur-Sultan qalasynyń aýmaǵynda ornalasqan.
7. «Nur-Sultan – Pavlodar», 1239+500 shaqyrymda oń jaǵynan (Báiet a.), Pavlodar qalasyna baratyn baǵytta, Nur-Sultan qalasynan 239 shaqyrymda jáne Ekibastuz qalasynan 53 shaqyrym jerde ornalasqan.
