Elimizde birqatar jol ýchaskeleri aqyly boldy. Osy oraida «QazAvtoJol» kompaniiasynyń Telegram-daǵy jelisi arqyly joldardaǵy tólem quny men ózge de suraqtar boiynsha jaýap alýǵa bolady, dep habarlaidy QazAqparat.
«Yńǵaily bolý úshin Telegram-da kazautozholbot (chat-bot) bar. Osy bottyń kómegimen siz «QazAvtoJol» UK» AQ-ǵa ótinish joldaýǵa, kólik quralynyń balansyn tekserýge, sondai-aq Respýblikalyq mańyzy bar jalpy paidalanymdaǵy aqyly avtomobil joldary (ýchaskeleri) boiynsha júrip ótý úshin tólem baǵalary týraly aqparat alýǵa bolady», - delingen kompaniia málimetinde.
Sonymen qatar, atalǵan júiede jabyq turǵan nemese kólik qozǵalysyna shekteý engizilgen jol ýchaskelerin bilýge bolady.
Eske sala keteiik, 4 jolaqty qozǵalysy bar birinshi sanattaǵy respýblikalyq mańyzy bar avtojoldardyń 7 ýchaskesinde aqy alý júiesine qorytyndy testileý júrgizildi («Nur-Sultan – Pavlodar», «Qapshaǵai – Taldyqorǵan», «Taraz – Qainar», «Shymkent – Taraz», «Shymkent – Qyzylorda», «Shymkent – Tashkent», «Shýchinsk-Kókshetaý»).
