Biylǵy jyly Almaty oblysynda «Mektepke jol» aktsiiasy bastalǵan 1 tamyzdan búgingi kúnge deiin 27 myńǵa jýyq balaǵa 268,3 mln. teńgeniń materialdyq kómegi kórsetilgen. Onyń ishinde biýdjettik qarajat esebinen 124 mln. teńgege jýyq, al demeýshiler men metsenattar tarapynan 144 mln. teńgeden astam somaǵa járdem berildi. Al ótken jyly osy aktsiia sheńberinde oblys boiynsha 51 myńnan astam oqýshy jalpy somasy 427,7 mln. teńgege materialdyq kómek alǵan bolatyn.
Oblystyq bilim basqarmasynyń habarlaýynsha, biylǵy aktsiia «Meniń tańdaýym – balalarǵa kómek kórsetý» úndeýimen ótýde. Sharaǵa atsalysýshylar qatary jyl sanap artyp keledi. Aktsiia aiasynda arnaiy reid uiymdastyrylyp, mektepke barmaǵan balalardy anyqtaý, sondai-aq halyqtyń áleýmettik qorǵalmaǵan tobynan shyqqan balalardyń jańa oqý jylyna daiyn bolýyna, qajetti kiim-keshekpen jáne qural-jabdyqtarmen qamtylýyna qol ushyn sozý jumystary júrgizilýde. Oblystyq bilim basqarmasy respýblikalyq aktsiiany ótkizý barysynda balalarǵa turaqty járdemdesip kele jatqandar qatarynda óńir kásipkerleri, metsenattar, «Nur Otan» partiiasy ókilderi, úkimettik emes uiymdar, memlekettik organdar ujymdary jáne qarapaiym turǵyndardyń da bar ekenin aityp, olarǵa alǵys bildirýde.
Aita ketý kerek, «Mektepke jol» qaiyrymdylyq aktsiiasy 30 qyrkúiekke deiin jalǵasady.
