Teatr jáne kino aktrisasy Raisa Mýhamediiarova dúnieden ozdy, dep habarlaidy "Ult aqparat".
Qaiǵyly habardy Ǵ.Músirepov atyndaǵy jasóspirimder teatrynyń ókilderi rastady.
Raisa Májitqyzy Muhamediiarova - 1939 jyly 11 shildede Semei oblysy Kókpekti aýylynda dúniege kelgen. Qazaq SSR jáne Qazaqstannyń eńbek sińirgen ártisi. Qazaq kinosy men teatr salasyna ólsheýsiz eńbek sińirgen aktrisa.
Ol qazaq kinosynyń altyn qoryna engen «Meniń atym Qoja» filmindegi Maiqanova rólin somdaǵan. Sondai-aq, aktrisa «Balalyq shaqqa saiahat», «Balam meniń», «Buǵy adam», «Naizatas eteginde», «Qanabek», «Aisulý týraly ertegi», «Jelken», «Meniń ápkem», «Túnek ámirshisi» filmderinde oinady.
Aita keteiik, 1964 jyly ol jazýshy Ǵabit Músirepovke turmysqa shyǵyp, 8 jyl nekede bolǵan.
Raisa Muhamediiarovany aqtyq saparǵa shyǵaryp salý rásimi 7 qarasha kúni saǵat 10-00-da Músirepov atyndaǵy jasóspirimder teatrynyń ǵimaratynda ótedi.
