Foto: ashyq derekkóz
Belgili aktrisa Arýjan Jazylbekova men onyń jary, «Zamandas» podkastynyń júrgizýshileriniń biri Erjan Aldabergenov tuńǵysh ret ata-ana atandy, dep habarlaidy Ult.kz.
Jup arnaiy jariialaǵan videoda Arýjannyń júktiliktiń sońǵy kezeńinde júrgen sátteri kórsetilgen.
Jeli qoldanýshylaryn erekshe áserlendirgen jait — náresteniń týǵan kúni.
Juptyń aitýynsha, kishkentai qyz ákesiniń «súiikti sanyn» dál taýyp, 11.11.2025 kúni dúniege kelgen.
«Naǵyz ákeshimniń qyzymyn dep, onyń baqytty sanyn tańdadyń. Osy kúni bizdiń Sara dúniege keldi», — dep jazdy olar.
Aita keteiik, Arýjan men Erjannyń qarym-qatynasy týraly alǵash ret 2021 jyly sybys shyqty. Ekeýi sol kezderi birge túsken fotolarymen jii kózge túsetin. 2022 jyly Erjan Aldabergenov súiiktisine Kólsaida usynys jasap, sol sát áleýmettik jelilerde keń taraǵan edi. Bul — Arýjan Jazylbekovanyń ekinshi nekesi. Buǵan deiin ol rejisser Ahat Ybraevqa turmysqa shyqqan, olardyń nekesi 2018 jyly aiaqtalǵan.
