Burynǵy mádeniet jáne sport ministri Aqtoty Raiymqulova jańa qyzmetke keldi. Bul týraly Mádeniet jáne sport ministrliginiń baspasóz qyzmeti habarlady.
"Aqtoty Raiymqulova "Roza Baǵlanova atyndaǵy "Qazaqkontsert" memlekettik kontserttik uiymy" RMQK direktory bolyp taǵaiyndaldy", - delingen habarlamada.
Ol – Qazaqstannyń eńbek sińirgen qairatkeri, ónertaný ǵylymdarynyń doktory. 1987 jyly Qurmanǵazy atyndaǵy Almaty memlekettik konservatoriiasyn «kompozitsiia» jáne «fortepiano» mamandyǵy boiynsha aiaqtaǵan.
Halyqaralyq biznes akademiiasynda bilim alyp, DBA (Doctor of Business Administration) dárejesin alǵan.
Túrli jyldary Qurmanǵazy atyndaǵy Almaty memlekettik konservatoriiasynda oqytýshy, kafedra meńgerýshisi, prorektor bolyp eńbek etti.
2014-2016 jyldar aralyǵynda Mádeniet jáne sport ministrligi mádeniet jáne óner isteri departamentiniń direktory bolyp jumys istedi. 2016 jyly Mádeniet jáne sport vitse-ministri, 2019-2022 jyldar aralyǵynda Mádeniet jáne sport ministri qyzmetterin atqardy.
Buǵan qosa, Aqtoty Raiymqulova ǵylymi eńbekterdiń avtory, kóptegen mýzykalyq shyǵarmalardyń, kórkem filmderge arnalǵan saýndtrekterdiń kompozitory bolyp tabylady.
