QR Mádeniet jáne sport ministri Aqtoty Raiymqulova Dybys jazý, óner jáne ǵylym ulttyq akademiiasynyń Grammy syilyǵyn jeńip alǵan Imanbek Zeikenovti marapatymen quttyqtady, dep habarlaidy "Ult aqparat".
«Sizdi Grammy syilyǵyn jeńip alýyńyzben shyn júrekten quttyqtaimyn! Siz az ǵana ýaqyt ishinde əlemdik mýzyka naryǵynda eleýli jetistikterge qol jetkizip, milliondaǵan tyńdarmannyń iltipatyna bólenip kele jatqan daryndy ónerpazsyz. Osynaý mərtebeli marapat Sizdiń mýzykaǵa degen qushtarlyǵyńyzdyń jemisi, tapqyrlyǵyńyzdy pash etken sət dep bilemin.
Aldaǵy ýaqytta da ən ónerine degen talpynysyńyz artyp, biik belesterdi baǵyndyra berýińizge tilektespin.
Osynaý oraily sətti paidalana otyryp, Sizge zor densaýlyq qajymas qairat, shyǵarmashylyq shabyt tileimin!», - dep jazylǵan ministrdiń quttyqtaý hatynda.
Eske salaiyq, qazaqstandyq mýzykant Imanbek Zeikenovtiń SAINt JHN atty ánshiniń Roses ánine jazylǵan remiksi Grammy syilyǵyn jeńip aldy. Syilyq jeńimpazdaryn jariialaý rásimi 14 naýryzda ótti.
Álemge tanymal bolǵan pavlodarlyq didjei taiaýda Rita Ora jáne David Guetta siiaqty álemge áigili mýzykanttarmen birge án jazdy. Amerikanyń The New York Times gazeti otandasymyz jaily maqala da jariialandy.
Imanbek ótken jyldyń jeltoqsanyna deiin jergilikti temir jol stansasynda jumys istegen. 2019 jyldyń jazynda Saint Jhn atty reperdiń Roses atty ánin taýyp, soǵan remiks jazýdy qolǵa alady. Bul kompozitsiia úsh jyl buryn shyǵyp qoiǵan bolatyn. Imanbek ánge remiks jazyp, ony áleýmettik jelige jariialaidy. Arada birneshe ai ótkende ol pop juldyzǵa ainaldy
