Aqtóbe oblysynyń Shalqar qalasy karantinge jabylýy múmkin. Munda bir aptada 19 adam virýs juqtyrǵan, - dep habarlaidy QazAqparat.
Sońǵy táýlikte Aqtóbede 4 adamnan koronavirýs infektsiiasy anyqtaldy. Olardyń úsheýi Aqtóbe qalasy bolsa, bireýi Shalqar aýdanynyń ortalyǵynan tirkeldi.
«Barlyǵy 367 naýqas koronavirýs infektsiiasyn juqtyrsa, 281-iúilerine shyǵaryldy. Em qabyldap jatqan 7 adam jansaqtaý bóliminde bolsa, ekeýi jasandy tynys alý apparatyna qosyldy. Aýrý tek oblys ortalyǵynda emes, aýdan ortalyqtarynda da tirkeldi. Shalqar aýdanynda 19 adam indet juqtyrǵan. Onyń 8-i bala. Bul aýdandaǵy naýqastardyń kóbi oblys ortalyǵyna jetkizildi. Bireýi sanaviatsiiamen tasymaldandy. Dertke shaldyqqan tek 6 adam sol Shalqar qalasynda qaldy», - dedi oblystyq densaýlyq saqtaý basqarmasynyń basshysy Áset Qaliev.
Aita keteiik, arnaiy shtab aýdandardaǵy jaǵdaidy baqylap otyr. M.Ospanov atyndaǵy Batys Qazaqstan memlekettik meditsina ýniversitetiniń mamandarynan qurylǵan top naýqastardy emdeý, tasymaldaý týraly sheshim qabyldaidy. Telemeditsina bailanysy ornaǵan. Oblys ortalyǵyndaǵy dárigerler baryp, keńes berdi.
«Aqtóbe qalasynda karantin alyndy, biraq shekteý qaldy. Bizdi Shalqar qalasy alańdatyp otyr. 27 mamyrdan bastap munda 19 jaiǵai tirkeldi. Birinshi jaǵdaida Aqtóbe qalasynyń turǵyny aýylǵa demalysqa baryp, indet taratqan. Sol úidiń adamdary koronavirýs juqtyrdy. Bir otbasynan 6 adam aýrýhanaǵa tústi. Munda 18 paiyz kórsetip tur. Monitoring jasap, karantinge jabý týraly qaýlyny búgin shyǵarýymyz múmkin», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
