اقتٶبە وبلىسىنىڭ شالقار قالاسى كارانتينگە جابىلۋى مٷمكٸن. مۇندا بٸر اپتادا 19 ادام ۆيرۋس جۇقتىرعان, - دەپ حابارلايدى قازاقپارات.
سوڭعى تەۋلٸكتە اقتٶبەدە 4 ادامنان كوروناۆيرۋس ينفەكتسيياسى انىقتالدى. ولاردىڭ ٷشەۋٸ اقتٶبە قالاسى بولسا, بٸرەۋٸ شالقار اۋدانىنىڭ ورتالىعىنان تٸركەلدٸ.
«بارلىعى 367 ناۋقاس كوروناۆيرۋس ينفەكتسيياسىن جۇقتىرسا, 281-ٸٷيلەرٸنە شىعارىلدى. ەم قابىلداپ جاتقان 7 ادام جانساقتاۋ بٶلٸمٸندە بولسا, ەكەۋٸ جاساندى تىنىس الۋ اپپاراتىنا قوسىلدى. اۋرۋ تەك وبلىس ورتالىعىندا ەمەس, اۋدان ورتالىقتارىندا دا تٸركەلدٸ. شالقار اۋدانىندا 19 ادام ٸندەت جۇقتىرعان. ونىڭ 8-ٸ بالا. بۇل اۋدانداعى ناۋقاستاردىڭ كٶبٸ وبلىس ورتالىعىنا جەتكٸزٸلدٸ. بٸرەۋٸ ساناۆياتسييامەن تاسىمالداندى. دەرتكە شالدىققان تەك 6 ادام سول شالقار قالاسىندا قالدى», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
ايتا كەتەيٸك, ارنايى شتاب اۋداندارداعى جاعدايدى باقىلاپ وتىر. م.وسپانوۆ اتىنداعى باتىس قازاقستان مەملەكەتتٸك مەديتسينا ۋنيۆەرسيتەتٸنٸڭ ماماندارىنان قۇرىلعان توپ ناۋقاستاردى ەمدەۋ, تاسىمالداۋ تۋرالى شەشٸم قابىلدايدى. تەلەمەديتسينا بايلانىسى ورناعان. وبلىس ورتالىعىنداعى دەرٸگەرلەر بارىپ, كەڭەس بەردٸ.
«اقتٶبە قالاسىندا كارانتين الىندى, بٸراق شەكتەۋ قالدى. بٸزدٸ شالقار قالاسى الاڭداتىپ وتىر. 27 مامىردان باستاپ مۇندا 19 جايعاي تٸركەلدٸ. بٸرٸنشٸ جاعدايدا اقتٶبە قالاسىنىڭ تۇرعىنى اۋىلعا دەمالىسقا بارىپ, ٸندەت تاراتقان. سول ٷيدٸڭ ادامدارى كوروناۆيرۋس جۇقتىردى. بٸر وتباسىنان 6 ادام اۋرۋحاناعا تٷستٸ. مۇندا 18 پايىز كٶرسەتٸپ تۇر. مونيتورينگ جاساپ, كارانتينگە جابۋ تۋرالى قاۋلىنى بٷگٸن شىعارۋىمىز مٷمكٸن», - دەدٸ وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
