Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Aqtóbeniń bas infektsionist dárigeri: Koronavirýs infektsiiasy - ókpe infarkti

Ult portaly
Aqtóbeniń bas infektsionist dárigeri: Koronavirýs infektsiiasy - ókpe infarkti


Aqtóbeniń bas infektsionist dárigeri Meirambek Qurmanǵazin etno-mádeni birlestik ókilderimen kezdesip, vaktsina saldyrýdyń mańyzyn túsindirdi, dep habarlaidy QazAqparat.

Aqtóbe oblysy áli de «qyzyl» aimaqta tur. Bir táýlikte taǵy 250 adamnan koronavirýs infektsiiasy anyqtaldy. Oblystyń bas infektsionist dárigeri qazirgi kezde túrli ujymǵa baryp, vaktsinanyń mańyzyn túsindirip, qarapaiym adamdardyń suraǵyna jaýap berip júr.

«Koronavirýs infektsiiasy áli túbegeili zerttelgen joq. Ol náreste siiaqty. «Bul ne?« degen suraǵy kóp kezeńdi biz bastan ótkerip jatyrmyz. Ári mýtatsiia júrip jatyr. Bul degenimiz - jańa virýs. Tarihqa júginsek, 1918-1919 jyldary tumaý órshidi. Pandemiia kezinde 500 million adam aýyryp, 20 milliony kóz jumdy. Al 1941-1945 jyldary aralyǵynda 27-28 million adam qaitys boldy. Soǵys bolmasa da, soǵysqa teń adam shyǵyny bar ekenin osydan uǵamyz. Dál osyndai «áskeri kezeńde» shuǵyl sheshim qabyldanady. Saiasi suraqqa ainaldyrýdyń qajeti joq. Dáriger úshin adam ómiri, ult saýlyǵy mańyzdy», - dedi oblystyń bas infektsionist dárigeri Meirambek Qurmanǵazin.

Onyń aitýynsha, qazir kún saiyn balalardan da koronavirýs infektsiiasy anyqtalyp jatyr. Olardyń ishi ótse, keiin ókpege de kúsh túsýi múmkin.

«Aqtóbe oblysynda delta shtamm bar. Ony biz birneshe ai buryn klinikalyq turǵyda tirkesek, qazir rastaldy. Tez taraidy, adamdardyń aǵzasy birden álsireidi. Naqtylap aitsam, aǵzaǵa virýs engende usaq qan tamyrlary zaqymdanady. Iaǵni, bul - ókpe infarkti. Qan ainalmaidy, túiirshiktelip, keiin jarylady. Sondyqtan aldyn alyp, em qabyldaý kerek. Bul degenimiz - vaktsina», - dedi Meirambek Qurmanǵazin.

Kezdesý kezinde etno-mádeni birlestik ókilderi vaktsina saldyrǵanyn, tipti vaktsinany asyǵa kútkenin jetkizdi.

«Ótken jyly men anammen birge koronavirýs infektsiiasyn juqtyryp, aýyrdym. Ol kezde ómirmen qoshtasqan edim. Sebebi jótel qatty boldy, dem jetpedi. Tipti jedel járdem shaqyra almai, qinaldym. Dárigerler kómektesip, aman qaldym. Sol kezde tezirek vaktsina shyqsa dep armandaityn edim. Aqtóbede Spýtnik V vaktsinasy jetip, alǵashqylardyń qatarynda saldyrdym. Qazir ózimdi qaýipsiz sezinemin. «Ashyq» qosymshasyn paidalanyp, basseinge baryp júrmin», - dedi Natalia Ogloblina.

Sondai-aq jiynǵa qatysqan ózge ult ókilderi áleýmettik jelidegi kereǵar pikirge mindetti túrde arnaiy maman jaýap berýi tiis dep sanaidy.

«Ózim vaktsina saldyrdym. Meniń dostarym dáriger. Olar maǵan vaktsinanyń mán-mańyzyn túsindirip berdi. Al áleýmettik jelide jaǵdai basqa. Ózi qarsy, ózgeni de qarsy qoiady. Meniń oiymsha, mamandar olarǵa jaýap berip, ujymdyq immýnitet qalyptastyrýdyń mańyzyn túsindirýi kerek», - dedi «Alye parýsa» jastar teatrynyń kórkemdik jetekshisi Nadejda Kiiok.

Aita keteiik, oblysta 213 adam vaktsinanyń birinshi komponentin qabyldady. Onyń 121-i eki dozasyn da saldyrdy.

Oqi otyryńyz