اقتٶبەنٸڭ باس ينفەكتسيونيست دەرٸگەرٸ مەيرامبەك قۇرمانعازين ەتنو-مەدەني بٸرلەستٸك ٶكٸلدەرٸمەن كەزدەسٸپ, ۆاكتسينا سالدىرۋدىڭ ماڭىزىن تٷسٸندٸردٸ, دەپ حابارلايدى قازاقپارات.
اقتٶبە وبلىسى ەلٸ دە «قىزىل» ايماقتا تۇر. بٸر تەۋلٸكتە تاعى 250 ادامنان كوروناۆيرۋس ينفەكتسيياسى انىقتالدى. وبلىستىڭ باس ينفەكتسيونيست دەرٸگەرٸ قازٸرگٸ كەزدە تٷرلٸ ۇجىمعا بارىپ, ۆاكتسينانىڭ ماڭىزىن تٷسٸندٸرٸپ, قاراپايىم ادامداردىڭ سۇراعىنا جاۋاپ بەرٸپ جٷر.
«كوروناۆيرۋس ينفەكتسيياسى ەلٸ تٷبەگەيلٸ زەرتتەلگەن جوق. ول نەرەستە سيياقتى. «بۇل نە?« دەگەن سۇراعى كٶپ كەزەڭدٸ بٸز باستان ٶتكەرٸپ جاتىرمىز. ەرٸ مۋتاتسييا جٷرٸپ جاتىر. بۇل دەگەنٸمٸز - جاڭا ۆيرۋس. تاريحقا جٷگٸنسەك, 1918-1919 جىلدارى تۇماۋ ٶرشٸدٸ. پاندەمييا كەزٸندە 500 ميلليون ادام اۋىرىپ, 20 ميلليونى كٶز جۇمدى. ال 1941-1945 جىلدارى ارالىعىندا 27-28 ميلليون ادام قايتىس بولدى. سوعىس بولماسا دا, سوعىسقا تەڭ ادام شىعىنى بار ەكەنٸن وسىدان ۇعامىز. دەل وسىنداي «ەسكەري كەزەڭدە» شۇعىل شەشٸم قابىلدانادى. ساياسي سۇراققا اينالدىرۋدىڭ قاجەتٸ جوق. دەرٸگەر ٷشٸن ادام ٶمٸرٸ, ۇلت ساۋلىعى ماڭىزدى», - دەدٸ وبلىستىڭ باس ينفەكتسيونيست دەرٸگەرٸ مەيرامبەك قۇرمانعازين.
ونىڭ ايتۋىنشا, قازٸر كٷن سايىن بالالاردان دا كوروناۆيرۋس ينفەكتسيياسى انىقتالىپ جاتىر. ولاردىڭ ٸشٸ ٶتسە, كەيٸن ٶكپەگە دە كٷش تٷسۋٸ مٷمكٸن.
«ٶتكەن جىلى مەن اناممەن بٸرگە كوروناۆيرۋس ينفەكتسيياسىن جۇقتىرىپ, اۋىردىم. ول كەزدە ٶمٸرمەن قوشتاسقان ەدٸم. سەبەبٸ جٶتەل قاتتى بولدى, دەم جەتپەدٸ. تٸپتٸ جەدەل جەردەم شاقىرا الماي, قينالدىم. دەرٸگەرلەر كٶمەكتەسٸپ, امان قالدىم. سول كەزدە تەزٸرەك ۆاكتسينا شىقسا دەپ ارماندايتىن ەدٸم. اقتٶبەدە سپۋتنيك V ۆاكتسيناسى جەتٸپ, العاشقىلاردىڭ قاتارىندا سالدىردىم. قازٸر ٶزٸمدٸ قاۋٸپسٸز سەزٸنەمٸن. «اشىق» قوسىمشاسىن پايدالانىپ, باسسەينگە بارىپ جٷرمٸن», - دەدٸ ناتاليا وگلوبلينا.
سونداي-اق جيىنعا قاتىسقان ٶزگە ۇلت ٶكٸلدەرٸ ەلەۋمەتتٸك جەلٸدەگٸ كەرەعار پٸكٸرگە مٸندەتتٸ تٷردە ارنايى مامان جاۋاپ بەرۋٸ تيٸس دەپ سانايدى.
«ٶزٸم ۆاكتسينا سالدىردىم. مەنٸڭ دوستارىم دەرٸگەر. ولار ماعان ۆاكتسينانىڭ مەن-ماڭىزىن تٷسٸندٸرٸپ بەردٸ. ال ەلەۋمەتتٸك جەلٸدە جاعداي باسقا. ٶزٸ قارسى, ٶزگەنٸ دە قارسى قويادى. مەنٸڭ ويىمشا, ماماندار ولارعا جاۋاپ بەرٸپ, ۇجىمدىق يممۋنيتەت قالىپتاستىرۋدىڭ ماڭىزىن تٷسٸندٸرۋٸ كەرەك», - دەدٸ «الىە پارۋسا» جاستار تەاترىنىڭ كٶركەمدٸك جەتەكشٸسٸ نادەجدا كييوك.
ايتا كەتەيٸك, وبلىستا 213 ادام ۆاكتسينانىڭ بٸرٸنشٸ كومپونەنتٸن قابىلدادى. ونىڭ 121-ٸ ەكٸ دوزاسىن دا سالدىردى.
