Qazaqstan musylmandary dini basqarmasyna qarasty «Zeket» qorynyń zańdy ókili Dámen Ómirbek pen «Nur Ǵasyr» meshitiniń bas imamy Tólebi Ospan bitimge keldi, dep habarlaidy QazAqparat tilshisi.
«Zeket» qorynyń zańdy ókili Dámen Ómirbek meshit ishindegi qysym men jalaqy tóleýdegi zańsyzdyqty aityp, sotqa aryz túsirgen bolatyn. Búgin azamattyq is bitimmen aiaqtaldy.
«Talapker Dámen Ómirbek pen jaýapker Tólebi Ospan ózara kelisimge kelip, birin-biri keshirip, aldaǵy ýaqytta moraldyq-materialdyq talap qoimaidy. Talap qoiýshy D.Ómirbek jaýapkerge qatysty barlyq talabynan bas tartady. Sot taraptarǵa osy sharttaǵy kelisimdi bekite otyryp, zańǵa sáikes istiń qysqartylatyn eskertti. Eki tarap ta osy is boiynsha ekinshi ret sotqa júgine almaidy»,- dedi №2 qalalyq sottyń sýdiasy Aigúl Abdýllina.
Sot otyrysyna talapker men jaýapkerdiń qorǵaýshylary ǵana qatysty. Dámen Ómirbektiń qorǵaýshysy onyń otadan keiin em qabyldap jatqanyn aitty. Dámek Ómirbek óz aryzynda aryzdy sottan qaitaryp alatynyn, bas imam Tólebi Ospannan eshqandai da moraldyq-materialdyq shyǵyn talap etpeitinin jetkizgen.
