Aqtóbede revaktsinatsiialaý bastaldy. Oblystyq densaýlyq saqtaý basqarmasynyń basshysy Rústem Isaev qaita immýndaý sharasyn ózinen bastady, dep habarlaidy QazAqparat.
Aqtóbe oblysy boiynsha 349 myńǵa jýyq adam vaktsinanyń birinshi, al 323 myńnan astamy eki komponentin de qabyldady. Bul immýndaý sharasyna qatysýy tiis turǵyndar sanynyń 61 % quraidy. Búgin óńirde revaktsinatsiialaý bastaldy. Aldymen muǵalim, quqyq qorǵaý qyzmetkerleri men aq halattylar tartylady. Sonymen birge jasy 60-tan asqan, immýniteti tómen sanatqa jatatyn adamdar da alǵashqy toppen vaktsina saldyra alady.
«Men ózim 1 aqpan kúni vaktsinanyń birinshi dozasyn qabyldadym. Ol kezde Spýtnik-V vaktsinasyn boldy. 21 kúnnen soń ekinshi komponentin saldyrdym. Sodan beri 9 ai ótti. Búgin elimiz boiynsha revaktsinatsiia bastalyp, ózim alǵashqylardyń biri bolyp saldyrdym. Vero Cell vaktsinasyn qabyldadym. Qan qysymymdy, satýratsiiany ólshedi. 30 minýt baqylaýda bolyp, ári qarai jumysymdy jalǵastyra beremin», - dedi oblystyq densaýlyq saqtaý basqarmasynyń basshysy Rústem Isaev. Onyń aitýynsha, qarapaiym turǵyndar 1 qańtardan bastap revaktsinatsiialaýǵa qatysady.
