اقتٶبەدە رەۆاكتسيناتسييالاۋ باستالدى. وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ قايتا يممۋنداۋ شاراسىن ٶزٸنەن باستادى, دەپ حابارلايدى قازاقپارات.
اقتٶبە وبلىسى بويىنشا 349 مىڭعا جۋىق ادام ۆاكتسينانىڭ بٸرٸنشٸ, ال 323 مىڭنان استامى ەكٸ كومپونەنتٸن دە قابىلدادى. بۇل يممۋنداۋ شاراسىنا قاتىسۋى تيٸس تۇرعىندار سانىنىڭ 61 % قۇرايدى. بٷگٸن ٶڭٸردە رەۆاكتسيناتسييالاۋ باستالدى. الدىمەن مۇعالٸم, قۇقىق قورعاۋ قىزمەتكەرلەرٸ مەن اق حالاتتىلار تارتىلادى. سونىمەن بٸرگە جاسى 60-تان اسقان, يممۋنيتەتٸ تٶمەن ساناتقا جاتاتىن ادامدار دا العاشقى توپپەن ۆاكتسينا سالدىرا الادى.
«مەن ٶزٸم 1 اقپان كٷنٸ ۆاكتسينانىڭ بٸرٸنشٸ دوزاسىن قابىلدادىم. ول كەزدە سپۋتنيك-V ۆاكتسيناسىن بولدى. 21 كٷننەن سوڭ ەكٸنشٸ كومپونەنتٸن سالدىردىم. سودان بەرٸ 9 اي ٶتتٸ. بٷگٸن ەلٸمٸز بويىنشا رەۆاكتسيناتسييا باستالىپ, ٶزٸم العاشقىلاردىڭ بٸرٸ بولىپ سالدىردىم. Vero Cell ۆاكتسيناسىن قابىلدادىم. قان قىسىمىمدى, ساتۋراتسييانى ٶلشەدٸ. 30 مينۋت باقىلاۋدا بولىپ, ەرٸ قاراي جۇمىسىمدى جالعاستىرا بەرەمٸن», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ. ونىڭ ايتۋىنشا, قاراپايىم تۇرعىندار 1 قاڭتاردان باستاپ رەۆاكتسيناتسييالاۋعا قاتىسادى.
