Aqtóbe qalasyndaǵy Ábilqaiyr han dańǵyly boiynda kóligimen qarama-qarsy baǵytqa shyǵyp, júitki jónelgen jasóspirim ustaldy, dep habarlaidy "Ult aqparat".
Áleýmettik jeli arqyly tarap ketken videodan Aqtóbe qalasyndaǵy Ábilqaiyr han dańǵylyn anyq kórýge bolady. Bul videony politsiia qyzmetkerleri dereý nazarǵa alyp, tekserý júrgizdi.
«17 jastaǵy jasóspirimniń aty-jóni anyqtaldy. Ákimshilik quqyqbuzýshylyq týraly kodekstiń «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵidalaryn buzý» baby aiasynda hattama toltyryldy. Aiyppuldy ata-anasy tóleidi. Bozbalanyń júrgizýshi kýáligi joq», - dedi oblystyq PD baspasóz qyzmetiniń jetekshisi Erbolat Sarqulov.
