Aqtóbe aýdandarynyń barlyǵynda derlik virýs juqtyrǵan adamdar bar. Tek Qobda aýdany ǵana dertten aman, dep habarlaidy "Ult aqparat".
Sońǵy táýlikte Aqtóbe oblysynda 26 adam koronavirýs infektsiiasyn juqtyrdy. Qazir aýdandarda kóbeiip barady. Máselen, Alǵa men Yrǵyz, Temir aýdandarynda -3, Baiǵaninde - 1, Qarǵalyda - 2, Mártókte - 16, Muǵaljarda - 15, Shalqarda - 24 adamǵa jetti. Buǵan deiin Shalqar qalasynda erekshe shekteý sharasy engizilgenin habarlaǵan bolatynbyz.
«Sońǵy táýlikte virýs juqtyrǵan 19 adam - Aqtóbe qalasynan. Shalqar aýdanynda ‒ 2 áiel, Muǵaljar aýdanynda ‒ 3 adam, Yrǵyz jáne Mártók aýdandarynda bir adamnan tirkelgen. 19 patsient JRVI simptomdarymen meditsinalyq kómekke júgingen. Al 4 naýqas buǵan deiin koronavirýs anyqtalǵan adamdarmen qarym-qatynasta bolǵan. 2 adam epidqadaǵalaý, 1 adam profilaktikalyq maqsatta qaralǵan», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.
Barlyq naýqas juqpaly aýrýlar statsionaryna jatqyzylǵan. Olarmen qarym-qatynasta bolǵan adamdar meditsinalyq baqylaýǵa alyndy
Aita keteiik, Aqtóbe oblysynda koronavirýs infektsiiasymen jalpy 427 adam tirkelgen, onyń 244-i jazylyp shyqqan.
