Kórneki foto: pixabay.com
Aqtóbede ata-analar eldi dúrliktirgen aqparattan qorqyp, balalaryn sabaqqa jibermei qoidy, dep habarlaidy Sputnik Qazaqstan.
Buǵan deiin áleýmettik jelilerde Aqtóbe qalasyndaǵy mektepterde qylmys jasalatyny týraly habarlama taraǵan bolatyn. Politsiia terrorizm aktisi týraly kórineý jalǵan málimet taratqan adamdy anyqtady. Ol jaqyn shet elderdiń biriniń 18 jastaǵy turǵyny bolyp shyqty. Tártip saqshylary alańdaýǵa negiz joq ekenin habarlady. Soǵan qaramastan, búgin ata-analar balalaryn sabaqqa jibermei qoidy.
Oblystyq bilim basqarmasy usynǵan málimetke sáikes, Aqtóbe qalasynda 119 mektep bar. Onda birinshi aýysymda barlyǵy 57 924 bala oqidy.
"Birinshi aýsymda oqityn balalardyń ishinen tek 8 558-i mektepke bardy", - deidi basqarma mamandary.
Al politsiia departamenti alańdaýǵa negiz joq ekenin taǵy bir márte eske saldy. Bilim berý uiymdary shtattyq rejimde jumys istep tur. Politsiia qaýipsizdikti qamtamasyz etip júr. Sondai-aq beinebaqylaý júiesi arqyly qadaǵalaý sharalary kúsheitilgen.
"Politsiia nariadtary bilim berý uiymdaryna barynsha jaqyn qyzmet atqaryp júr. Halyqty arańdatýshylyqqa jol bermei, tek resmi aqparatqa senýdi suraimyz", - dep atap kórsetti politseiler.
