«SNPS-Aqtóbemunaigaz» AQ áreketterinde josyqsyz básekelestik belgileri baiqalady, dep habarlaidy QazAqparat Básekelestikti qorǵaý jáne damytý agenttigine silteme jasap.
Aqtóbe oblysy boiynsha monopoliiaǵa qarsy departamentke ótinish kelip tústi.
Onda «SNPS-Aqtóbemunaigaz» AQ qubyr satyp alý kezinde óziniń konkýrstyq qujattamasynda qubyr ónimderin naqty jetkizýshiden satyp alýdy kózdeitin tehnikalyq shekteýlerdi kórsetedi, sol arqyly adal básekelestik qaǵidattaryn buzady jáne jetkizýshilerdiń keń tobynyń konkýrsqa qatysýǵa qoljetimdiligin shekteidi delingen.
Monopoliiaǵa qarsy departament ótinishti zerdeleý jáne onymen jumys isteý barysynda baiandalǵan málimetterdiń durystyǵyn anyqtady.
«SNPS-Aqtóbemunaigaz» AQ qubyrlaryn satyp alý ereksheliginde kórsetilgen qubyr ónimderiniń tehnikalyq sipattamalary tenderge CNPC tobyna kiretin bir ǵana kompaniianyń qatysýyna múmkindik berdi.
Osylaisha, adal básekelestik qaǵidattary buzylyp, ónim berýshilerdiń keń aýqymynyń konkýrsqa qatysýǵa qoljetimdiligi shekteldi.
Josyqsyz básekeniń anyqtalǵan belgileri negizinde Aqtóbe oblysy boiynsha monopoliiaǵa qarsy departament olardy joiý boiynsha shara qabyldaý úshin «SNPS-Aqtóbemunaigaz» AQ atyna habarlama shyǵardy.
«SNPS-Aqtóbemunaigaz» AQ monopoliiaǵa qarsy organǵa habarlamany oryndaý merzimin uzartý týraly ótinish jasady, alaida habarlamany oryndaý úshin qosymsha ýaqyt talap etilmegendikten, ótinishhattan bas tartyldy.
Nátijesinde monopoliiaǵa qarsy organnyń habarlamasy tolyq kólemde oryndaldy, onyń ishinde qubyr satyp alýǵa tenderdiń kúshi joiyldy.
