«سنپس-اقتٶبەمۇنايگاز» اق ەرەكەتتەرٸندە جوسىقسىز بەسەكەلەستٸك بەلگٸلەرٸ بايقالادى, دەپ حابارلايدى قازاقپارات بەسەكەلەستٸكتٸ قورعاۋ جەنە دامىتۋ اگەنتتٸگٸنە سٸلتەمە جاساپ.
اقتٶبە وبلىسى بويىنشا مونوپوليياعا قارسى دەپارتامەنتكە ٶتٸنٸش كەلٸپ تٷستٸ.
وندا «سنپس-اقتٶبەمۇنايگاز» اق قۇبىر ساتىپ الۋ كەزٸندە ٶزٸنٸڭ كونكۋرستىق قۇجاتتاماسىندا قۇبىر ٶنٸمدەرٸن ناقتى جەتكٸزۋشٸدەن ساتىپ الۋدى كٶزدەيتٸن تەحنيكالىق شەكتەۋلەردٸ كٶرسەتەدٸ, سول ارقىلى ادال بەسەكەلەستٸك قاعيداتتارىن بۇزادى جەنە جەتكٸزۋشٸلەردٸڭ كەڭ توبىنىڭ كونكۋرسقا قاتىسۋعا قولجەتٸمدٸلٸگٸن شەكتەيدٸ دەلٸنگەن.
مونوپوليياعا قارسى دەپارتامەنت ٶتٸنٸشتٸ زەردەلەۋ جەنە ونىمەن جۇمىس ٸستەۋ بارىسىندا باياندالعان مەلٸمەتتەردٸڭ دۇرىستىعىن انىقتادى.
«سنپس-اقتٶبەمۇنايگاز» اق قۇبىرلارىن ساتىپ الۋ ەرەكشەلٸگٸندە كٶرسەتٸلگەن قۇبىر ٶنٸمدەرٸنٸڭ تەحنيكالىق سيپاتتامالارى تەندەرگە CNPC توبىنا كٸرەتٸن بٸر عانا كومپانييانىڭ قاتىسۋىنا مٷمكٸندٸك بەردٸ.
وسىلايشا, ادال بەسەكەلەستٸك قاعيداتتارى بۇزىلىپ, ٶنٸم بەرۋشٸلەردٸڭ كەڭ اۋقىمىنىڭ كونكۋرسقا قاتىسۋعا قولجەتٸمدٸلٸگٸ شەكتەلدٸ.
جوسىقسىز بەسەكەنٸڭ انىقتالعان بەلگٸلەرٸ نەگٸزٸندە اقتٶبە وبلىسى بويىنشا مونوپوليياعا قارسى دەپارتامەنت ولاردى جويۋ بويىنشا شارا قابىلداۋ ٷشٸن «سنپس-اقتٶبەمۇنايگاز» اق اتىنا حابارلاما شىعاردى.
«سنپس-اقتٶبەمۇنايگاز» اق مونوپوليياعا قارسى ورگانعا حابارلامانى ورىنداۋ مەرزٸمٸن ۇزارتۋ تۋرالى ٶتٸنٸش جاسادى, الايدا حابارلامانى ورىنداۋ ٷشٸن قوسىمشا ۋاقىت تالاپ ەتٸلمەگەندٸكتەن, ٶتٸنٸشحاتتان باس تارتىلدى.
نەتيجەسٸندە مونوپوليياعا قارسى ورگاننىڭ حابارلاماسى تولىق كٶلەمدە ورىندالدى, ونىڭ ٸشٸندە قۇبىر ساتىپ الۋعا تەندەردٸڭ كٷشٸ جويىلدى.
