Olimpiadanyń qola medal iegeri Nurislam Sanaev Aqtóbege keldi. Ony jankúierleri áýejaida kútip aldy, dep habarlaidy "Ult aqparat".
Palýan Nurislam Sanaev 57 keli salmaqta qola medal jeńip aldy. Ol keshe Almatyǵa, búgin Aqtóbege keldi.
«Altyn» medal alamyn degen úmitpen bardym. Shúkirshilik etemin, qola medal aldym. Halyq senim artty. Men ony qaita oralyp, Aqtóbege kelgende anyq sezinip turmyn. Jeńisimdi jerlesterime arnaimyn. Aldaǵy ýaqytta daiyndyǵymdy jalǵastyramyn. Parijde «altyn» alǵym keledi», - dedi Nurislam Sanaev.
Al onyń jattyqtyrýshysy onyń salmaǵy ózgeretinin, 61 nemese 65 kelige aýysatynyn habarlady.
«Nurislam qarsylastarynyń bárin biledi. Shynymdy aitsam, psihologiialyq turǵydan qatelik jiberdi. Utyp kele jatyp, utyldy. Palýannyń daiyndyǵy jaqsy boldy. Ishki kúshi, senimi jaqsy. Jarysqa tyńǵylyqty daiyndaldy. Kelesi jarystarǵa daiyndyǵy týraly áli de aqyldasamyz. Salmaqty qalypty ustap turý qiyn. Endi 57 kelide emes, 61 nemese 65 kelige aýysady», - dedi jattyqtyrýshy Baýyrjan Nurmahanov.
Aita keteiik, oǵan jeńil kólik jeńil kólik syiǵa berildi. Al aqtóbelik kásipker Marat Qoilybaev 10 million teńgeniń sertifikatyn tartý etti.
