Aqtóbe oblysynyń Qobda aýdanynda sharýalar qoi soiyp, aýrýhanaǵa qymyz ben saýmal jetkizdi, dep habarlaidy "Ult aqparat".
Qobda aýdany ákimdiginiń uiymdastyrýymen sharýa qojalyǵynyń basshylary men jergilikti kásipkerler aýdandyq aýrýhanada emdelip jatqan azamattardyń immýnitettin jaqsartý maqsatynda qymyz ben qoi etin tegin taratty.
«Bul igilikti iske «Jaqsylyq» sharýa qojalyǵynyń basshysy Nurbolat Muqatov, «Ertemir» sharýa qojalyǵynyń basshysy Kenjesh Baijýanov, «Edil» sharýa qojalyǵynyń basshysy Álim Sarmanov, «Ulan» sharýa qojalyǵynyń basshysy Azamat Mahatov, «Dáribai» sharýa qojalyǵynyń basshysy Baýyrjan Qultaev bir-bir qoidan berip, aýdandyq aýrýhananyń ashanasyna tapsyrdy. Jerlesterimiz aýrýhanaǵa ottegimen demalatyn qurylǵy tartý etse, eki kúnde sharýa qojalyqtary 200 keli qoi etin tabys etip, «Mahambet» sharýa qojalyǵynyń basshysy Baýyrjan Mahambetov qymyz, saýmal berdi. Aldaǵy ýaqytta da janashyrlyq tanytyp, óz úlesin qosamyn dep yqylas tanytqan kásipkerlerdiń qaiyrymdy isterin uiymdastyryp, keste boiynsha aýrýhanaǵa jetkizý josparda bar«, - dep habarlady Qobda aýdanynyń ákimdigi.
Aita keteiik, Aqtóbe oblysynda koronavirýs infektsiiasyn juqtyrǵandar sany 2 myńnan asty. Sońǵy táýlikte 87 adamnyń indetke shaldyqqany belgili boldy.
