اقتٶبە وبلىسىنىڭ قوبدا اۋدانىندا شارۋالار قوي سويىپ, اۋرۋحاناعا قىمىز بەن ساۋمال جەتكٸزدٸ, دەپ حابارلايدى "ۇلت اقپارات".
قوبدا اۋدانى ەكٸمدٸگٸنٸڭ ۇيىمداستىرۋىمەن شارۋا قوجالىعىنىڭ باسشىلارى مەن جەرگٸلٸكتٸ كەسٸپكەرلەر اۋداندىق اۋرۋحانادا ەمدەلٸپ جاتقان ازاماتتاردىڭ يممۋنيتەتتٸن جاقسارتۋ ماقساتىندا قىمىز بەن قوي ەتٸن تەگٸن تاراتتى.
«بۇل يگٸلٸكتٸ ٸسكە «جاقسىلىق» شارۋا قوجالىعىنىڭ باسشىسى نۇربولات مۇقاتوۆ, «ەرتەمٸر» شارۋا قوجالىعىنىڭ باسشىسى كەنجەش بايجۋانوۆ, «ەدٸل» شارۋا قوجالىعىنىڭ باسشىسى ەلٸم سارمانوۆ, «ۇلان» شارۋا قوجالىعىنىڭ باسشىسى ازامات ماحاتوۆ, «دەرٸباي» شارۋا قوجالىعىنىڭ باسشىسى باۋىرجان قۇلتاەۆ بٸر-بٸر قويدان بەرٸپ, اۋداندىق اۋرۋحانانىڭ اسحاناسىنا تاپسىردى. جەرلەستەرٸمٸز اۋرۋحاناعا وتتەگٸمەن دەمالاتىن قۇرىلعى تارتۋ ەتسە, ەكٸ كٷندە شارۋا قوجالىقتارى 200 كەلٸ قوي ەتٸن تابىس ەتٸپ, «ماحامبەت» شارۋا قوجالىعىنىڭ باسشىسى باۋىرجان ماحامبەتوۆ قىمىز, ساۋمال بەردٸ. الداعى ۋاقىتتا دا جاناشىرلىق تانىتىپ, ٶز ٷلەسٸن قوسامىن دەپ ىقىلاس تانىتقان كەسٸپكەرلەردٸڭ قايىرىمدى ٸستەرٸن ۇيىمداستىرىپ, كەستە بويىنشا اۋرۋحاناعا جەتكٸزۋ جوسپاردا بار«, - دەپ حابارلادى قوبدا اۋدانىنىڭ ەكٸمدٸگٸ.
ايتا كەتەيٸك, اقتٶبە وبلىسىندا كوروناۆيرۋس ينفەكتسيياسىن جۇقتىرعاندار سانى 2 مىڭنان استى. سوڭعى تەۋلٸكتە 87 ادامنىڭ ٸندەتكە شالدىققانى بەلگٸلٸ بولدى.
