Aqtóbelik shańǵyshy Ernur Beksultan Shyǵys Eýropa qurlyqtyq kýbogin jeńip aldy. Bul aqtóbelikterdiń qysqy sport túrleri boiynsha eń úzdik kórsetkishi, dep habarlaidy "Ult aqparat".
Shyǵys Eýropa qurlyqtyq kýbogi Almaty qalasynda ótip jatyr. Oǵan elimizdiń ár túkpiri men Resei, Qazaqstan, Qyrǵyzstan elderinen 100-den astam sportshy qatysty.
«Bul - bizdiń eń úlken jeńisimiz. Shańǵyshy Ernur Beksultan 15 shaqyrym qashyqtyqty baǵyndyrdy. Qatarynan oza shyqqan sportshy 8 jyl boiy jattyǵyp keledi. Jasóspirimder arasynda ótken Aziia chempionatyna da qatysty. Aldaǵy ýaqytta Qazaqstan jastary arasynda ótetin chempionatynda baq synaidy», - dedi Aqtóbe oblystyq dene shynyqtyrý jáne sport basqarmasy baspasóz qyzmetiniń jetekshisi Erlan Muqan.
Aita keteiik, eresekter arasynda ótip jatqan Shyǵys Eýropa qurlyqtyq kýbogine Aqtóbeden tek úsh sportshy qatysyp jatyr. Shańǵyshy Ernur Beksultan erteń 20 shaqyrymdyq erkin júriste baq synaidy.
