Aqtóbe oblysy PD-niń qyzmetkerleri jedel-izdestirý is-sharalaryn júrgizý barysynda 312 Atqyshtar diviziiasy kóshesinde reseilik eseptegi «VAZ-21115» markaly avtokóligin aidap áketý áreketi kezinde úsh adamnan turatyn qylmystyq topty ustady, dep habarlaidy Polisia.kz.
Kúdiktiler avtokólikterdiń esikterin ashyp, symdardy tuiyqtap, kólikti aidap ketken. Politseiler atalǵan kólikti izge túsý arqyly toqtatqan. Sonymen qatar, kúdiktilerdiń Aqtóbe qalasynyń aýmaǵynda oryn alǵan birqatar páter urlyǵyna da tikelei qatysy bar ekendigi anyqtaldy. Qazirgi tańda, aidap áketý faktisi boiynsha QR QK-niń 200-baby «Avtomobildi nemese ózge de kólik quraldaryn urlaý maqsatynsyz zańsyz ielený» negizinde sotqa deiingi tergeý júrgizilýde jáne bultartpaý sharasyn tańdaý týraly másele sheshilýde. Ustalǵandardyń osyǵan sáikes qylmystarǵa qatystylyǵy tekserilýde.
