Aqtóbede oblysynyń PD patrýldik jasaqtary 41 jastaǵy er adamnyń óz-ózine qol jumsaý áreketiniń aldyn aldy, dep habarlaidy Polisia.kz.
29 sáýirde saǵat 16:43-te «102» pýltine Bilge qaǵan kóshesindegi úidiń turǵyndarynan tórtinshi qabattyń balkonynan er adam sekirip ketpekshi bolyp turǵany týraly qońyraý kelip tústi. Aqtóbe oblysy PD jedel basqarý ortalyǵynyń qyzmetkerleri osy aýdanda bolǵan patrýldik jasaqqa habarlama berdi.
Oqiǵa ornyna shuǵyl jetken eki patrýldik nariadtyń biri turǵyn úige kelgen boida úidiń tórtinshi qabatyna kóterilip, er adam turǵan páterge kirýge tyrysty, biraq eshkim esikti ashpady.
Ekinshi top tómengi jaqta, syrtta turyp, balkondaǵy er adamnyń is-áreketin qadaǵalaǵan. Áskeriler kórshi páterden balkon arqyly kirýshe sheshim qabyldady.
Osylaisha Aqtóbe qalasynyń aýmaqtyq qorǵanys áskeri mindettileri Saǵynbaev pen Qalybekov sýitsidtiń aldyn alyp,er adamdy qutqaryp qaldy. Ol oblystyq narkologiialyq dispanserge alǵashqy kómek kórsetý úshin jetkizildi.
