Jasyl aimaqta kóshet egý tehnologiiasy múlde saqtalmaǵan, dep habarlaidy QazAqparat tilshisi.
Aqtóbe oblysynyń ákimdigi 1 myń ga jerge egilgen kóshetterdiń qýrap qalǵanyn rastap otyr. Mamandar qalalyq ákimdik egý jumysyn bastaǵanda eskertý bergenin, biraq olardyń qulaq aspaǵanyn aityp berdi.
«Aqtóbe qalasynyń ákimdigi 2017 jyly 1 million 200 túp kóshet egýdi josparlady. Qazir aǵash tolyq shyqpai qaldy dep aitýǵa bolady. Qatelik kóp. Aldymen jobany orman sharýashylyǵy salasynyń mamandary ázirlemegen. Topyraq qabaty zerttelmegen, otyrǵyzý tehnologiiasy saqtalmaǵan. Ári aǵashtar ýaqytynan kesh egildi. Tehnologiia boiynsha bir jyl buryn topyraq daiyndalýy tiis edi. Sonymen qatar, jergilikti klimatqa beiimdelmegen ekpeler otyrǵyzylǵan eken. Qala aýmaǵyndaǵy jasyl jelekti otyrǵyzý, olardy kútý jumystaryna jergilikti atqarýshy organ jaýapty. Keiin bilip, eskertý jasaldy. Biraq olar óz betinshe otyrǵyzdy», - deidi Aqtóbe oblystyq tabiǵi resýrstar jáne tabiǵat paidalanýdy retteý basqarmasy orman sharýashylyǵy bóliminiń basshysy Ǵabit Qylyshbaev.
Aita keteiik, Aqtóbe oblysynda orman sharýashylyǵy mekemesiniń kúshimen 3 myń ga jasyl aimaq qurý jospary daiyndalady. Aldaǵy ýaqytta kóshet qýraǵan aýmaq qaita óńdelip, sol jerge egý jumysy qaita júrýi múmkin.
