جاسىل ايماقتا كٶشەت ەگۋ تەحنولوگيياسى مٷلدە ساقتالماعان, دەپ حابارلايدى قازاقپارات تٸلشٸسٸ.
اقتٶبە وبلىسىنىڭ ەكٸمدٸگٸ 1 مىڭ گا جەرگە ەگٸلگەن كٶشەتتەردٸڭ قۋراپ قالعانىن راستاپ وتىر. ماماندار قالالىق ەكٸمدٸك ەگۋ جۇمىسىن باستاعاندا ەسكەرتۋ بەرگەنٸن, بٸراق ولاردىڭ قۇلاق اسپاعانىن ايتىپ بەردٸ.
«اقتٶبە قالاسىنىڭ ەكٸمدٸگٸ 2017 جىلى 1 ميلليون 200 تٷپ كٶشەت ەگۋدٸ جوسپارلادى. قازٸر اعاش تولىق شىقپاي قالدى دەپ ايتۋعا بولادى. قاتەلٸك كٶپ. الدىمەن جوبانى ورمان شارۋاشىلىعى سالاسىنىڭ ماماندارى ەزٸرلەمەگەن. توپىراق قاباتى زەرتتەلمەگەن, وتىرعىزۋ تەحنولوگيياسى ساقتالماعان. ەرٸ اعاشتار ۋاقىتىنان كەش ەگٸلدٸ. تەحنولوگييا بويىنشا بٸر جىل بۇرىن توپىراق دايىندالۋى تيٸس ەدٸ. سونىمەن قاتار, جەرگٸلٸكتٸ كليماتقا بەيٸمدەلمەگەن ەكپەلەر وتىرعىزىلعان ەكەن. قالا اۋماعىنداعى جاسىل جەلەكتٸ وتىرعىزۋ, ولاردى كٷتۋ جۇمىستارىنا جەرگٸلٸكتٸ اتقارۋشى ورگان جاۋاپتى. كەيٸن بٸلٸپ, ەسكەرتۋ جاسالدى. بٸراق ولار ٶز بەتٸنشە وتىرعىزدى», - دەيدٸ اقتٶبە وبلىستىق تابيعي رەسۋرستار جەنە تابيعات پايدالانۋدى رەتتەۋ باسقارماسى ورمان شارۋاشىلىعى بٶلٸمٸنٸڭ باسشىسى عابيت قىلىشباەۆ.
ايتا كەتەيٸك, اقتٶبە وبلىسىندا ورمان شارۋاشىلىعى مەكەمەسٸنٸڭ كٷشٸمەن 3 مىڭ گا جاسىل ايماق قۇرۋ جوسپارى دايىندالادى. الداعى ۋاقىتتا كٶشەت قۋراعان اۋماق قايتا ٶڭدەلٸپ, سول جەرگە ەگۋ جۇمىسى قايتا جٷرۋٸ مٷمكٸن.
