Aqtóbelik azamat Mirbolat Jamanqulov Siriiaǵa ketken kelinshegi Aqmaral Almaǵambetovany iz-tússiz joǵaldy dep tanýdy surady. Ol kelinsheginen ajyrasýdy maqsat etip otyr, dep habarlaidy "Ult aqparat" Bnews.kz portalyna silteme jasap.
Aqtóbe qalasynyń turǵyny 29 jastaǵy A.Aimaǵambetova osydan úsh jyl buryn «Almatyǵa baramyn» degen jeleýmen úiinen ketip qalǵan. Úsh balanyń anasy sol ketkennen otbasyna qaita oralmady. Jubaiyn kútken M.Jamanqulov №2 qalalyq sotyna aryz túsirip, kelinshegin iz-tússiz joǵaldy dep tanýdy surady. Onyń aitýynsha, A.Aimaǵambetova habarsyz ketip, keiin óziniń Siriiada júrgenin, jaǵdaiynyń jaqsy ekenin aityp, telefon shalǵan.
«Azamattyq is boiynsha aryzdanýshy Mirbolat Jamanqulov jergilikti, respýblikalyq gazetke, aqparattyq portaldarǵa kelinshegi Aqmaral Aimaǵambetovanyń iz-tússiz joǵalǵanyn aityp habar berýi qajet. Qandai da bir aqparat biletin adamnan úsh aida sotqa habar berýi suralady»,- dedi sýdia Gaýhar Oralbai.
Aita keteiik, zań boiynsha aryzdanýshy óz qarjysyna jubaiy A.Aimaǵambetovanyń joǵalǵany týraly habar berýi tiis. Eger bul ýaqytta habar bolmasa, iz-tússiz joǵaldy dep tanylyp, ajyrasýǵa múmkindik beriledi.
