Aqtóbede týabitti júrek aýrýyna shaldyqqan sábige dárigerler shuǵyl ota jasady, dep habarlaidy "Ult aqparat".
Aqtóbeniń Temir aýdany, Shubarqudyq aýylynda 4 qańtar kúni týabitti júrek aqaýymen Hamza esimdi sábi dúniege keldi. Dárigerler birden telemeditsina arqyly bailanysqa shyǵyp, keńes berdi. Kardiohirýrgter sanaviatsiia jiberý týraly shuǵyl sheshim qabyldaǵan-dy. Oblys ortalyǵyna jetkizilgen balaǵa ota jasaldy.
«Sábi Aqtóbe meditsinalyq ortalyǵynyń balalar statsionary, kardioreanimatsiialyq bólimshesine ornalastyryldy. Qosymsha tekserý júrgizilip, sábige «ókpe arteriiasy klapanynyń atreziiasy» diagnozy qoiyldy. Syrqat saldarynan ottegi jetpei, balanyń terisi kógerip ketken. Kúrdeli ota kezinde qan ainalymyn birqalypqa túsirý úshin jasandy apparat ornatyldy. Ota sátti aiaqtalyp, sábi saýyǵyp kele jatyr. Dári-dármek jetkilikti, shaqalaq dárigerlerdiń úzdiksiz baqylaýynda. Qazir naýqas sábi tabiǵi jolmen tynys alyp jatyr. Bala uzaq emdeledi ári júrek transplantatsiiasy qajet», - dep habarlady oblystyq densaýlyq saqtaý basqarmasynyń baspasóz qyzmeti.
Aita keteiik, Aqtóbe meditsinalyq ortalyǵynda týabitti júrek aqaýyna shaldyqqan balalarǵa kómek berý úshin arnaiy top qurylǵan. Top úsh jyldan beri tek Aqtóbe oblysy emes, elimizdiń batys óńirindegi balalarǵa kómek berip keledi.
