اقتٶبەدە تۋابٸتتٸ جٷرەك اۋرۋىنا شالدىققان سەبيگە دەرٸگەرلەر شۇعىل وتا جاسادى, دەپ حابارلايدى "ۇلت اقپارات".
اقتٶبەنٸڭ تەمٸر اۋدانى, شۇبارقۇدىق اۋىلىندا 4 قاڭتار كٷنٸ تۋابٸتتٸ جٷرەك اقاۋىمەن حامزا ەسٸمدٸ سەبي دٷنيەگە كەلدٸ. دەرٸگەرلەر بٸردەن تەلەمەديتسينا ارقىلى بايلانىسقا شىعىپ, كەڭەس بەردٸ. كارديوحيرۋرگتەر ساناۆياتسييا جٸبەرۋ تۋرالى شۇعىل شەشٸم قابىلداعان-دى. وبلىس ورتالىعىنا جەتكٸزٸلگەن بالاعا وتا جاسالدى.
«سەبي اقتٶبە مەديتسينالىق ورتالىعىنىڭ بالالار ستاتسيونارى, كارديورەانيماتسييالىق بٶلٸمشەسٸنە ورنالاستىرىلدى. قوسىمشا تەكسەرۋ جٷرگٸزٸلٸپ, سەبيگە «ٶكپە ارتەريياسى كلاپانىنىڭ اترەزيياسى» دياگنوزى قويىلدى. سىرقات سالدارىنان وتتەگٸ جەتپەي, بالانىڭ تەرٸسٸ كٶگەرٸپ كەتكەن. كٷردەلٸ وتا كەزٸندە قان اينالىمىن بٸرقالىپقا تٷسٸرۋ ٷشٸن جاساندى اپپارات ورناتىلدى. وتا سەتتٸ اياقتالىپ, سەبي ساۋىعىپ كەلە جاتىر. دەرٸ-دەرمەك جەتكٸلٸكتٸ, شاقالاق دەرٸگەرلەردٸڭ ٷزدٸكسٸز باقىلاۋىندا. قازٸر ناۋقاس سەبي تابيعي جولمەن تىنىس الىپ جاتىر. بالا ۇزاق ەمدەلەدٸ ەرٸ جٷرەك ترانسپلانتاتسيياسى قاجەت», - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
ايتا كەتەيٸك, اقتٶبە مەديتسينالىق ورتالىعىندا تۋابٸتتٸ جٷرەك اقاۋىنا شالدىققان بالالارعا كٶمەك بەرۋ ٷشٸن ارنايى توپ قۇرىلعان. توپ ٷش جىلدان بەرٸ تەك اقتٶبە وبلىسى ەمەس, ەلٸمٸزدٸڭ باتىس ٶڭٸرٸندەگٸ بالالارعا كٶمەك بەرٸپ كەلەدٸ.
