Aqtóbelik dárigerler jerjańǵaq óńeshine turyp qalǵan balany qutqaryp qaldy, dep habarlaidy "Ult aqparat".
Aqtóbe oblysy Shalqar aýdanynda oqys oqiǵa tirkeldi. Bar bolǵany 1 jasqa tolǵan Altair jerjańǵaqtyq túiirin jutyp, tynys alýy kúrt qiyndaidy. Kómekke sanaviatsiia shaqyryldy.
"Balam jańǵaq jutyp, jaǵdaiy nasharlap ketti. Jedel járdem shaqyryp, kómek suradym. Keiin sanaviatsiia tobyndaǵy arnaiy mamandar kelip, ota jasady", - dep jazdy balanyń anasy Indira Danabaeva.
Aýdandyq aýrýhanadan túsken shaqyrýdan soń dárigerler jolǵa shyqty. Alaida sol kúni sanaviatsiia aýa raiyna bailanysty usha almady. Dárigerler 500-600 shaqyrym qashyqtyqta jatqan aýdanǵa shyǵyp, meditsinalyq kómek kórsetti. Sebebi, sábidiń tynys alý júiesine bógde zat turyp qalyp, ómirine qaýip tóndire bastady.
"Balanyń jaǵdaiy nasharlap, jótelip, daýysy shyqpai qalǵan. Uiyqtatatyn dári egilip, bronhoskopiia jasaldy. Jańǵaq túiiri óńeshtiń teń jartysyn jaýyp qalǵan eken. Kedergi keltirgen jańǵaq alynyp tastaldy", - dep habarlady oblystyq densaýlyq saqtaý basqarmasy.
