اقتٶبەلٸك دەرٸگەرلەر جەرجاڭعاق ٶڭەشٸنە تۇرىپ قالعان بالانى قۇتقارىپ قالدى, دەپ حابارلايدى "ۇلت اقپارات".
اقتٶبە وبلىسى شالقار اۋدانىندا وقىس وقيعا تٸركەلدٸ. بار بولعانى 1 جاسقا تولعان التاير جەرجاڭعاقتىق تٷيٸرٸن جۇتىپ, تىنىس الۋى كٷرت قيىندايدى. كٶمەككە ساناۆياتسييا شاقىرىلدى.
"بالام جاڭعاق جۇتىپ, جاعدايى ناشارلاپ كەتتٸ. جەدەل جەردەم شاقىرىپ, كٶمەك سۇرادىم. كەيٸن ساناۆياتسييا توبىنداعى ارنايى ماماندار كەلٸپ, وتا جاسادى", - دەپ جازدى بالانىڭ اناسى ينديرا داناباەۆا.
اۋداندىق اۋرۋحانادان تٷسكەن شاقىرۋدان سوڭ دەرٸگەرلەر جولعا شىقتى. الايدا سول كٷنٸ ساناۆياتسييا اۋا رايىنا بايلانىستى ۇشا المادى. دەرٸگەرلەر 500-600 شاقىرىم قاشىقتىقتا جاتقان اۋدانعا شىعىپ, مەديتسينالىق كٶمەك كٶرسەتتٸ. سەبەبٸ, سەبيدٸڭ تىنىس الۋ جٷيەسٸنە بٶگدە زات تۇرىپ قالىپ, ٶمٸرٸنە قاۋٸپ تٶندٸرە باستادى.
"بالانىڭ جاعدايى ناشارلاپ, جٶتەلٸپ, داۋىسى شىقپاي قالعان. ۇيىقتاتاتىن دەرٸ ەگٸلٸپ, برونحوسكوپييا جاسالدى. جاڭعاق تٷيٸرٸ ٶڭەشتٸڭ تەڭ جارتىسىن جاۋىپ قالعان ەكەن. كەدەرگٸ كەلتٸرگەن جاڭعاق الىنىپ تاستالدى", - دەپ حابارلادى وبلىستىق دەنساۋلىق ساقتاۋ باسقارماسى.
